اجمل واحلى شعر الغزل

شعر غزل بدوي ، شعر غزل فريد ، شعر غزل فاحش ، شعر غزل قصير ، شعر غزل وحب ، شعر غزل خليجي ، شعر غزل جاهلي شعر غزل جديد وقديم


بعض العرب حبه يوردك الجنون
ولا يوصف له غلاه حكاك له
***
ما يقنعه وصف الغلا لو وش يكون
لو كل حرف بالحرير إيحاك له
***
الموت جاك وهو تقلبه الظنون
ولا لك إلا الصبر وش وداك له
***
إن قلت ضايق قال هونها تهون
ما يدري إن ضيقتك له وإبكاك له
***
تقعد تحبه وأنت ساكت ومغبون
يمكن بيوم يقاله موفاك له
***
وكانك مشكك هو يمون أو ما يمون
تخيل إن عفت الصبر فرقاك له
***
غلاه من فوق الغلا ماهو بدون
وحكاه سمعك يجبرك برخاك له
***
ودك تحطه فالعيون من العيون
وتبسط على رمض الثرى يمناك له
***
وتظله من الشمس في ظل الجفون
ولا يمر إذنه سوى لباك له
***
وتسج من غير لو إنهم يذكرون
ومنين ما سجت القدم ممشاك له
***
غروٍٍ يميله الترف ميل الغضون
غصنٍ ليان ومكرمه بسكاك له
***
وجديله إلا أقفى ستر منه المتون
كني بريحه لا إتلفت لدعاك له
***
كيك وعسل لكن ماهو في صحون
ودعاك من عين الحسود غطاك له
***
الله لا يعطيه ناسٍ ينضلون
ويستر عليه من النحل لا يآكله
***
الوصف والتعبير في وصفه يخون
غير إطلب الله يستجيب دعاك له
***
وعذال قلبك في محبته يهبون
سكينهم عن قطع حبله حاك له
***
ناس عن أعراض العرب ما يعرضون
ودايم على نفس الشكل والشاكله
***
اللي من لحوم الأوادم يآكلون
وحلوقهم دافع البلا متواكله
***
في سلمهم أولى بالأكل الاقربون
وأطيبهم اللي صيدته شكواك له
***
يدعيهم الشيطان للذنب ويجون
هذا يقطعله وهذاك يواكله
***
يا جعلهم فدوة ثرى الغض الفتون
اللي على الدرب الطويل خطاك له
***
طيفه إذا نام البشر زارك بهون
وطيفك إذا نام البشر سراك له
***
حبه دفان ومقبرة خضر الطعون
بين العظام العوج كنك ناكله
***
اللي كذا حبه ولو تموت مغبون
ولالك إلا الصبر وش وداك له

للشاعر / محمد بن فطيس

ـــــــــــــــــــــــــــــــــــــــ

هذى اللى غلاها مايبى قول قايل
.........هذى اسباب غيضى والرضا والهيام

هذى رسومها بين الضلوع النحايل
....... هذى اللى على صدر القصيده وسام

الاصايل يجنّك مثل أهلهن أصايل
............. و الوكاد إنّها منهن بليّا كلام

يوم فلّت على الخصر النحيل الجدايل
..... وإستدارت خجل مدرى تصنّع غرام

عودها مال لو هى ماتبيه يتمايل
........ ماهو بكيفها من لين ذاك القوام

واقف وكن رجلى فوق جرف متهايل
............للجمال بعيون العاشقين إحترام

قلت فى خاطرى مانى عليها بعايل
............ لكن القلب سابقنى برد السلام

مانى اللى حذف عند الزناد الفتايل
............ يومها ولّعت ناره تغطّى و نام

واجد الزين عند الحاضره والقبايل
.......... شفت واجد ومرّنى مرور الكرام

بس هذى وصايفها علوم وهوايل
........... .كنّها قطعةٍ من نور بدر التمام

ياكثر ملحها والا الحلا له دلايل
..........حورٍ عيونها والخشم سلّة حسام

كن ذيك الخدود بروق ماتنتخايل
...... لا كساهن شعرها شفت برق وظلام

تعسف الخيل ونفوس البشر تنتحايل
.......... مير خيل القصايد مايطيق اللجام

انتحيت ولقيت القلب مأمن صمايل
...... كل ماذعذع الغربى من الشوق هام

ياكثر مانى من الشوق والحب شايل
....... من عشق مثلها وشلون بالله يلام

هذى اللى حلاها مايبى قول قايل
....... ماهى أول غلا لاشك مسك الختام


متعب التركي

ــــــــــــــــــــــــــــــــــــــــــــ

تخوفني مشاوير الطريق المظلم المهجور
و اليا مني ذكرتك قلت طولي يا مشاويري

عزاي انك رجاي العذب لو كل الدروب عثور
وصلت او ما وصلت اعرفك ما انته منتظر غيري

حبيبي وكل الله لاتحسب إني بليد شعور
لو انت المستحيل الصعب ما ابدي لك معاذيري

احبك رغم تجريح الليال لقلبي المقهور
اشوف الجرح يكبر و انت تكبر وسط تفكيري

احبك لو يموت الحب و تصير القلوب قبور
احبك كلمة لو حرموها حل تفكيري

احبك من هنا حتى طلوع الفجر حد النور
صحيح انك قدر محتوم بس اجمل مقاديري




بعذر اللي يحبك لو يصير الشاعر المشهور
لأنك تنهمر حلو القصيده في تعابيري

احد ربي يحطك له حبيب و ما يجيه غرور؟
و انا مهما بغيت استوعبك يا قل تقديري

هلا بك من قدمك لغرتك لي شعرك المنثور
هلا في كل شيٍ فيك و انت اغلي مساييري

أثر صدق الغلا يجبر حطام الخاطر المكسور
و انا مهما منحتك من غلاي اشعر بتقصيري

و لو طالت مشاوير الطريق المظلم المهجور
انا لا من ذكرتك قلت احبك يا مشاويري


الشاعر / مساعد الرشيدي

آه يامن ظربني في يدي كفٍ علـى خدتـي عسـراوي
مااستحقيت به مير المـودّه صابـرٍ بالخطـى راعيهـا
كل ماشافني غافل نطحنـي فوقـه المقطـع الكينـاوي
والتفت لـي بنجـلٍ مدعجـات وغـرةٍ ربّهـا حاليهـا
كن صفّت مجاديله عريش كروش بنت أشقر الصقـلاوي
سامكٍ ذيلها والعرف سكرانه وعـج الرمـك غاطيهـا
ياأتلع الجيد ماترحم ولا أنتـب ياقليـل المـروّه تـاوي
مادريـت ان عينـي مـن فراقـك دمعهـا محفيـهـا
كـل مـازل هـود الليـل أجـاوب فالطويـل العـاوي
وأنت لي حاجـةٍ عنـدك ولا تاخـذ ثمنهـا ولاتهديهـا
منوتي والمنى مكروه ليتي عند موض الجبيـن فـداوي
يسمح البال يوم انّه يوصينـي علـى حاجـةٍ وأقضيهـا
والله انّي عن المقفي الى من عطانـي قفـا شيمـاوي
مير ذي دبرة الخالق على المخلوق والنفس داهـا فيهـا
مايعرف الهوى ألاّ (( نمر بن عدوان ودغيّم الظلماوي ))
وقت يوم الهوى سلعه وكلٍ في نفيس الثمـن يشريهـا
قطّفوا زاهي النوّار في وقتٍ مضـى والدهـر متسـاوي
لين كـلٍ قضـى شفّـه وكـلٍ قـال هيـدوك ياغيهـا
المغاتير عقب أهل الرمك والخيـل ودّه لهـن الشـاوي
اقمحي ياحياةٍ صار مر الشـري عقـب العسـل تاليهـا
خارفٍ للهوى في شبّته واليـوم غصـن المـودّه ذاوي
آه..والوعتي لوعة هنوفٍ يـوم جاهـا خبـر غاليهـا

للشاعر عبدالله بن دويرج

في كفها خاتم وفي خدها خال
وفي عينها غيم وعمارات وبيوت

الخال شفته واضحٍ من ورى الشال
والخاتم الماس مرصع بياقوت

والعمر في العشرين كني مانيب زال
والجسم كنه من جبل ثلج منحوت

جبل ولكن لا طرقه الهوى مال
وخطواتها ماهي بالأمتار بالفوت

ماهي تشوف الشمس من ظل الاظلال
ومصيافها ما بين لندن وبيروت

الشمس لو تشرق على جسمها سال
كنها مجسم محلبيه وبسكوت

ومن صغر مبسمها شقى حالها الحال
ما تاكل الا اللوز والخوخ والتوت

ماهي تشوف الناس تمشي وتختال
ومرٍ على جاكور ومرٍ على حوت

وخدامتين وهي بلا زوج وعيال
وسمعتها تدعي الدريول يياقوت

وثلاث جوالات ماهو جوال
ومن يوم خلقت كل شيٍ بريموت

لكن قلبي مالها فيه مثقال
وش قرب البشت الحساوي من الكوت

ياجعلها للي خذت قلبي نعال
اللي غلاها عندي الشرب والقوت

حوريةٍ من فوقها الليل شلال
كنها صبحٍ فوقها الليل مكتوت

قلبي لها من كثرة الشوق مشخال
وللسر عن كل المخاليق تابوت

تنحت لي من الحب في القلب تمثال
وحبي لها ينحت على الساحه بيوت

في عينها ماكل رجال رجال
وأقصى حدود الوصل في سلمها الصوت

زودٍ على القلب وعلى الحسن من آل
روسٍ لهم روسٍ على متونها بشووت

الى رضت موتوا يا أهل روس الأموال
وإلى زعلت جربت وش سكرة الموت

من دونها رجلي وراكب وخيال
والسيف والأمواج والبحر والحوت

محمد بن فطيس


ــــــــــــــــــــــــــــــــــــــــــــ

لا تكـاثـر جيـتـي يــا نـظـر عيـنـي=الله الـلـي جـابـنـي لـــك ومـشـانـي
امش لي درب(ن) مشوه المحبينـي=بالمـودة راجــح(ن) لــك بميـزانـي
احسـب انـي مثـل مااغليـك تغلينـي=مـا دريـت انـك عـدو(ن) وقومانـي
واثـر لـك يـا متلـف الـروح قلبينـي=قـلـب يبغـضـنـي وقـلــب يتمـنـانـي
كـم هنـوف(ن) عنـد اهلهـا تمنينـي=كـزت المرسـول كلـه عـلـى شـانـي
تحسـب ان الله قطـوع(ن) يخلينـي=ربــي المعـبـود مــا عــاد ينسـانـي
تــدري انــك يــوم قفـيـت كاويـنـي=يوم تكفى الحوض في وجه ظمياني
سيـد الخفـرات مــا تـوفـي الديـنـي=خنتني من غير حـق(ن) وبرهانـي
الجـفـا مــن بينـنـا موقـفـه شيـنـي=من فعل خير(ن) يجازى بالإحساني
خـوفــي الله لا تصـيـريـن لثنـيـنـي=صـفـي النـيـة وصـيـري لفـردانـي
يـــا حبـيـبـي اسـقـنـي لا تخلـيـنـي=لو اموت من الظما ما احـد سقانـي



للشاعر عبيدالله بن سليم القنيفد الشمري


صباح الخير يا أجمل صباحاتي على الاطـلاق
..............جميل الصبح لكنه غدا مـع ضحكتـك أجمـل
يشاركني غلا وجه يكسـر نومتـه مـا فـاق
..............على نورٍ لثم خـدك لثـم حتـى بغيـت أثمـل
صباح القهوة المرة وبقايا مـن سهـرك أوراق
..............صباح أحلى السمر بالكون وخل اللي زعل يزعل
صباح الخوخ يا خوخة صباح مراهق الـدراق
..............صباح القرمز الغافي رعيته وأن تماريت اجهل
صباحي شوق كم نمتي كأني لي عمر مشتـاق
..............هي الساعة يا ستي ست أو أني صايـر احـول
تثاقل شمسنا الخطوة تسرح شعرهـا مشـراق
..............يقلـد بعضهـا نعاسـك ولكنـه يضـل اثقـل
صباح الضحك والنكته عسل لو يزعل السـواق
............شربها مثل مـا قبلـه شربهـا جاهـل أثـول
صباح الدلعنه عالصبح تجي مثل المطر رقراق
.............يشع العطر بالدنيا غنى ليـت الطريـق اطـول
صباح الحلم يا وجهٍ طفولـي يسـرق الافـاق
............هو الاكـرم بهالدنيـا بهالدنيـا هـو الابخـل
أحبك يا صباح الحب ولا يروي ضماي عنـاق
.............واشوف الظرف روضني بديت لرفضته اجمـل

ــــــــــــــــــــــــــــــــــــــــــــــــــــــــــــــ

اللي هتف باسماه قلبي وناداه حتى الضلوع بوجدها صفقت له
اللي غرامه تل قلبي من أقصاه وبالدمع عيني خيّلت وامطرت له
اللي عسفت النفس لاجله ولرضاه والرجل في سمر الغداري عنت له
بيا سبب عهد الهوا ليه ينساه وينسى تخطي رجلي اللي خطت له
الرجل لو هو نازح الدار تنصاه على حثاث القاع يا ما مشت له
أموت من فرقاه واحيا بذكراه والروح خلت جسمه وانتحت له
قولو له أنه عذب القلب وأدماه وحي يود لقاه ماله بقتله
ياكود والله غيبة عقب لاماه وعيني بكت فرقاه ثم اخجلت له
ماصاب قيس بحب ليلى توطاه ولوعات قيس وماجرى له جرت له
مالاق له غيره من الناس مشهاه ويعاف كل الخود لو عرضت له
ان شاف زوله مغرم القلب يبراه وان غير صد مايلتفت لـه
أغليه لامانساه واذكر سجاياه لوهو بعيد الدار نفسي هفت له
معذبي بالحب وان حل طرياه اسرار ودي بالضمير اهتفت له
لو هو ظهر للناس وابدى محياه كل الخلايق بالجمال اشهدت له
عزاه ياقلب على الصبر ماقواه لو مابغى الفرقا عصت واخطمت له
عزي لمن دمعه على الخد مجراه ودنياه غيب نورها مااسفرت له
قولو لبن سلوم ابو زيد ينخاه يوم ان غارات الهوا صادفت له
يتابع الونات من كود ماجاه لوكثر الونات مافرجت لـه
يهيم مثل موده وسط مضماه يذكر سنين بالوداد ضحكت له
ماجت له الدنيا على ماتمناه وذياب ياسه من حبيبه عودت له
يكفيه من جور الهوا ربع ماجاه وتغيرت دنياه يوم اوجهت له
قلبه من الحرمان فاخت حناياه من يوم باقي ايامها ماصفت له
هنيت من حصل مرامه بدنياه والورق بلحون السعد غردت له
هنيت من حصل مرامه بدنياه والورق بلحون السعد غردت له
المولع الي في طريق الهوا تاه لومابغاه اشراك دربه سعت له

ـــــــــــــــــــــــــــــــــــــــــــــــــــــــــــــــــــــــــ

الله اكبر ياالحظوظ السود من يمي حدتها *** لو بقول اني قويت فراقهـا مانـي بقـاوي
كن صورتها بدون فلاش فالقلب طبعتها *** الفلاش خدودها والوجه دون فـلاش ضـاوي
المشاعر في يديها والاحاسيس اربكتها *** كلها فتنـه عسـى ربـي يكافينـا البـلاوي
لازعلت ترفع حواجبها وغزت برقبتها *** بين هيبات الملـوك وبيـن نظـرات النـداوي
لامشت ياعونت الله كل هالناس افتنتها *** مو غريب ان جالها حكم من شيوخ الفتـاوي
النعومه والترف والزين مع زايد ثقتها *** لاضربنا كل هذولي في بعضهن وش يسـاوي
مايساوي غير اف الله ياحلو ثمرتها *** بيضها سكـر نبـات وثغرهـا تمـرن حسـاوي
والشعر لاطاحت القذله كذا ثم عدلتها *** تربك الطاووس كيف تصير ربكـات الهـواوي
لاحكت كن السوالف ذايبه في حنجرتها *** ولا اسكتت ماهو مسولف بعدها راعي الحكاوي
كرهتنـي بالحريـم وحببتنـي مرحبتهـا *** وعيفتنـي بالسـواد ولعتنـي بالسمـاوي
وقمت اتابع كل شخصيت ممثل معجبتها *** مرة رشدي اباضه ويـوم فـاروق الفشـاوي
جننتي وكم قبلي من عقول جننتها *** والعقـول الـي تجننهـا عجـز فيهـا المـداوي
اااه ياليت الصدف وعيوننا ماصادفتها *** كان ماذقت الفراق وصرت في حـال الخـلاوي
والله اني ماذخرت بكل حاجات اطلبتها *** لو تبي هذي قبل هذي واصيـر الهـا عمـاوي
حاتمي والعروق الي اجي منها عرفتها *** بس يكفيها خلاصة بيت فجحـان الفـراوي
ماحسبنا للحسايب يومها البعض حسبتها *** نشرب الطيبه مثل شربه فناجيـل القهـاوي
الله الله يالحظوظ السود من يمي حدتها *** والله الله وش يزيل الهـم يالقلـب الشقـاوي
قصة ٍ بيني وبين القلب وحروفي روتها *** مايوصفهـا الكـلام وشيبـت بالفيـن راوي



للشاعر / عبدالكريم الجباري


ــــــــــــــــــــــــــــــــــــــــــــــــــــــــــــــــــــــــــــــــــــــ

يا أهل العيرات باكر كان مريتوا طـوارف خلـي
.................خبروه إني شكيت الهم والسامـوح عقـب فراقـه
مانسيت الصاحب اللي بالمودة والهوى صافٍ لـي
.................جالي أصفى من غدير النقر وأحلى من حليب الناقه
مانسيته يوم أنا أنهل من كما ذوب العسل وأعلـي
.................خابرن نفسي عيوف ولا تدانـي عقبـة العشاقـه
ياثلاثٍ عارضني صبـح يـوم العيـد دق وجلـي
.................وصفهن ثنتين جل وثالثتهـن بالوصـوف دقاقـه
أنهب الممشى لأجلهن مير هن ما ودهن يدن لـي
.................كل ما قربـت منهـن خالفنـي وإقطعـن الساقـه
يالطيف الحال غضات الصبايا كيف ما ياون لـي
.................حملني من كثيب الرمل ملمـوضٍ عليـه وساقـه
صابني منهن هنوفٍ من لماهـا علتـي ودوًا لـي
.................ودي أصبر مير قلبي من فراقـه غـاديٍ حراقـه
صرت مثل اللي يعبر عن زمانه كل حـل بحلـي
.................الله أقوى كل عبدٍ مشتكـى حالـه علـى خلاقـه
كن عينه عيـن شيهـانٍ ربـا بالنايـف المتعلـي
.................أوكما عين الغزال اللي يلـد إبهـا علـى دراقـه
جادل تل الضمايـر فـي كلاليـب المـودة تلـي
.................تل هجن في سموم القيض عطشى والشراب شفاقه


عبدالله العلي إبن دويرج

ـــــــــــــــــــــــــــــــــــــــــــــــــــــــــــــــــــــــــــــــ

قـالوا تـحبه قـلت ماهوب بالحيل

بـس انه أغلى شوي من نور عيني

يـسوى جميع الجيل الأول وهالجيل

أحـبـائي الـمـاضيين والـمقبليني

شوقي له أعظم من ظما الأرض للسي

وأشـفق عـليه أكثر من أم الجنيني

وأحـتاج لـه حاجة ثرى مصر للنيل

وعـليه أغـار ولو من ما للوالديني

أشـتاق لـه شـوق الـمحبين لليل

وأرتـاح لـه راحـة دموع الحزيني

لا صـار جـنبي لو سنه وقتي بخيل

ولا غـاب لو لحظات صارت سنيني

قـالوا يـحبك قـلت هـذا هو الويل

مـا ودي أنـشد ثـم رفـضه يجيني

وأهـدم رجـأي بدبرتي مثل ما قيل

والأفـضل أحـيا بـالأمل لو لحيني

يـا حـبكم يـا نـاس لـلقال والقيل

والأمـر لـو سـهل يـصبح مهيني

خـلوني أحـيا في الوهم يا عواذيل

وش دخـلكم والأمـر بـينه وبـيني


الشاعر(سعود بن بندر)

ان طروا النسيـان .. مانـي بناسيـك
يـاراس مالـي فـي الحيـاه .. وغناتـي

وان طروا السلـوان .. مانـي بساليـك
طيفك معي حتـى وانـا فـي صلاتـي

قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي

لو جض صدري .. كان يمديـه ياتيـك
ويبـات عنـدك .. ويهنـى بالمبـاتـي

انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي

غلاك .. مثل الحكـم عنـد المماليـك
اكبر طموحـي .. لا .. كـل امنياتـي

احب .. لاني مقدر انسـاك .. وآبيـك
ولا اقـدر اخليـك .. ياللـي تحاتـي

معنى احب .. وماقدر انسـى واخليـك
((يعني بدونك ويش تسـوا حياتـي؟))





للشاعر / حمدان المري

ــــــــــــــــــــــــــــــــــــــــــــــــــــــــــ

تـقـول لـي يا عـمير بدر يتـمـنـا
...............وانا بـعـد يا عمـير قـبله تمـنـيت
اللـي كـما عـود الـرديـني تـثـنا
...............ليـتي لـناعم عـودها الغـض شديت
وقلـبي علـى لاماه يا عـميـر ونـا
...............ان دك بـه طـار الهوى ما اسفـهليت
حـر الهـوى يجّـيه مـنـا ومـنـا
...............ومن ما جرى كـنه عـلى فاير الزيت
الـجـادل اللـي بالـمـوده شحـنـا
...............إلى ذكـرته فـي حـلا الـنوم فـزيت
يا بعـد والله مـنـزله عـن وطـنـا
...............انـا ورا (صبـيا) وخـلـي ورا (هيت)
عـنه اللـيالي يا عـمـير ابـعـدنـا
...............وهلـيت عـبرات تبعـهن تنـاهيـت
وونـيـت ونـات لـها الـورق غـنا
...............ومـن العنا والوجـد ياسـف لي الميت
مـتى ضـعنـهم يـتفق مع ضـعـنا
...............ومـتى فـوْادي ينتعش عقب ما اوذيت
سـقـوا لـيا من الـليالي اضـحـكنا
...............وهـلا وانا من خـافق الـقلب هـليت
هـنـي مـدلاهـن بـنومـه تـهـنا
...............وانا تـوجد كـل ما اصـبحت وامسيت
راع الـهوى بالـود قـلـبـه معـنا
...............وجـرح الهوى في ضامري لو تخفيت
جـرح الهوى فـي ضـامري مستكنا
...............وباسـماه لاجل ارضاه يا عمير ناديت
ان عـشت جيـته مـسرع ما تـونا
...............لو حـال من دونـه سباعٍ مـصانيت
حـبّـه بمـكنون الـضمايـر تبـنا
...............الله عـلى لامـاه يا لـيت يا لـيت
ليـت اللـيالي سـاعةٍ يـقـرنـنا
...............واشوف مملوح ٍ على وصله اشفيت

الأمير الشاعر محمد الأحمد السديري


ـــــــــــــــــــــــــــــــــــــــــــــــــــــــــــ

يا عاذلين القلب لا تمحنونه ****خلو عصى الراي يا صل مناهيه
بالعذل يالعذال لا تجرحونه **** اخاف من نصح عن الرشد يعميه
القلب ما يرضى انكم تنصحونه**** لا تنصحون القلب عن حب غاليه
حب الموده صايبه تجهلونه **** ما منكم اللي ذاق مره وحاليه
اللي يود القلب ما تفهمونه **** وجرح الموده ما بكم من يداويه
جرح الموده جايرات طعونه**** وين الطبيب اللي يعرفه ويبريه
ياليت طراد المها يذكرونه **** ويا سعود قواد الجوازي يحاليه
عسر على طلابه اللي يبونه**** يعطي البياح وشرد الصيد تتليه
عليه قلبي كاثرات شطونه **** ويلوج وسط الصدر من حركاويه
قلب الخطا يا سعود يا عظم كونه **** يكفيه من جور الهوا ربع ما فيه
الزين لو تبعد علينا ضعونه **** يكبر غلاه وكن عيني تراعيه
عليه قلبي يابسات غصونه**** لا داله قلبي ولاني بناسيه
يا جب على اني عن الشك اصونه **** وبالهرج عند الناس يا سعود ما طريه
ادرا عليه من العدا يشمتونه **** واخاف من هرج يضره ويوذيه
لا واهني اقرابه اللي يجونه**** وانا الى جيته عدوي حواليه
عليه روحي بالفواد مغبونه**** وفاتن ثلاث سنين والروح ترجيه
يا سعود عنى لابته يبعدونه **** ناس تحلف به وناس تناحيه
البغض وسط قلوبهم يضمرونه **** وفي مقرن الحجان تظهر مواريه
ويوقفون السلم دوني ودونه **** وعندك خبر قلب تولع بغاليه
اخاف من حبل الرجا يقطعونه**** واشرب عذاف السم كدره وصافيه
صبرت لين الصبر فاتت حتونه **** واليوم كظم الصبر ماني بقاويه
عز الله ان الصبر غبن ومهونه **** وان كان ممدوح العواقب لراعيه
يا سعود فعل الخير ما تفعلونه **** وتفزع لمن ضاعت حياته وتنجيه
يا سعود مدولي حبال المعونه **** ترى رفيقك جاير الحب طاويه
انت الذي راجيك تقضي ديونه **** والليل الاسود ما تعوقك ضواريه

محمد الاحمد السديري

ــــــــــــــــــــــــــــــــــــــــــــــــــــــــــــــــــــــــــــــــــــ

اسهر ومسهرني هوى لين العـود
طفلٍ حرم عيني لذيذ المنامـــا

لا وآه أنـــا مذبوح عمدٍ ومجحود
يــاذاه ما بيني وبينك مدامــــا

وحياة من في رادتـــه هبت النود !
انك جرحت اللي حنينه اريــامـا..

ما حق يالطف الحشـا حب وصدود!!
وعلام تسكت مـــا ترد السلامـا؟؟

كانك تبي تبرير للحب وشهـــود
انظـــر بعينك في دموع تهامــا

وحـــالٍ نحل من حبكم كنه ، العود
ونفسٍ تصوم بغيــر نية اصيامــا

لا يا حبيبي ويش حدك على الكــود؟؟
ما انت بعمى وشلون عنى تعامـــا!!

ان كان منك العطف واللطف مفقـود
ذبح المحب بغير ذنبٍ حرامــــا

يا هاجري ما فـاشرف الوصل منقود
عدني كما عود الولي لليتامـــــا..

بزيـــارة تطلق من الحزن ممهود
في قلبي اللي لك بوسطه مقامـــا

عليه تشهر سيف الألحــاظ مجرود
وإليا تعطف لك علامك تسامــــا

وش ذنبه إلا انه بالأتعاس موعـود ؟!
في حبك اللي مـــا قضاله مراما...

وبيت القصيد اللي من القلب مشيود
حرام ما يزهاه غيرك وسامــــا

وشعر الغزل تزهاه يا باشة الخود
يا فــاضحٍ بالنور بدر التمامــــا

لك الغلا يا ,جوهرة نجد, يا نجود
حوريةٍ من حبها ما يلامـــــــا


الشاعر/عبدالرحمن العطاوي

ــــــــــــــــــــــــــــــــــــــــــــــــــــــــــــــــ

احـب صوتـه واندمـر مـن سكوتـه
حـلاة صـوتـه عوفتـنـي سكـاتـه

من كثر مانـا اشتـاق واحـب صوتـه
يشحـن تلفونـي عـلـى مكالمـاتـه

الى حكـى مااحـب طـاري صموتـه
صمته نحت بضلـوع صـدري نحاتـه

حتـى عروقـي لاهـمـت ماتمـوتـه
لـنَـه يغذيـهـا عـلـى ذكريـاتـه

طابـع هـدوءه ينولـد مـن جروتـه
يعنـي التناقـض بينهـا مـن صفاتـه

حـاذا علـى درب الغـرام وحـذوتـه
ومعيَـشٍ ذاتـي علـى حـب ذاتــه

واشوف فـي صـدري بقايـا نحوتـه
باقـي لـه شـوي ويتلاشـي شتـاتـه

في ميلته .. في مشيتـه .. فـي ثبوتـه
في ضحكته .. في زعلته .. في اشرهاته

فـي كـل حالاتـه وبغلـب وقـوتـه
بأيـات حالـه تزيـد ميـزة حـلاتـه

آاحسد على اثمه شربة المـا .. وقوتـه
ماهـوب ودي انـه يلامـس شفـاتـه

حتى الأبـو وهـو الأبـو فـي ابوَتـه
اغـار منـه واحسـده فــي بنـاتـه

الما .. على خده غـدى مـن طروتـه
شفت المطـر والارض هـذي سواتـه

ينعم بـه المـا .. ليـن ياخـذ هدوتـه
وينساب في عروقه ويشـرب طراتـه

يمشـي ورجلـه كـل ماهـي تفوتـه
كنهـا تقـول لباقـي الجسـم .. هاتـه

كل الذي قلته .. علـى شـان صوتـه
واشلـون لـو شفتـه .. بليـا عباتـه

ــــــــــــــــــــــــــــــــــــــــــــــــــــــــ

صوتٍ سمعته تل قلبي مـن أقصـاه
....................لولا ضلوعي راح قلبي مع الصـوت





لو سمعه اللـي ميـت قلبـه أحيـاه
....................يشفي العليل اللي على حفرة المـوت








عـز الله إنـي دالـه البـال لـولاه
....................اسهر مثل ولد العواجي علـى نـوت








الله يغـر الحـب هـذي سـوايـاه
....................والله يلـوم اللـي يلومـون مبخـوت








ماكـل قلـب يــدرك اللي تمـنـاه
....................الحبـل مـا هـو للمحبيـن مفلـوت








أنـا ليـا شاهـدت عـرة محـيـاه
....................والله ما أغبط من مصيفه في بيروت








لـو نجتمـع ليـل ونهـارٍ بمضمـاه
....................في ظل غار أحسن من أوتيل مريوت








والا على حذوة بحر مـا لحـن مـاه
....................من البحر نشرب وناكل من الحـوت








وإلا بقطع ٍ من خلا ما حـدن جـاه
....................غير الجوازي ما بها أزوال وبيـوت








هـذا هـو القلـب وغرامـه بدنيـاه
....................بخدودها وعيونهـا سحـر هـاروت








مـا تلتفـت للـي قروشـه بمخبـاه
....................اللي يحسبون الهوى عقـل وبشـوت








فيهـا الجمـال اللـي قليـلٍ خلايـاه
....................كنـه عليهـا نــازلٍ بالبـراشـوت








لو تطلب حزام الذهـب مـا لقينـاه
....................أقصر من الشبرين وأطول من الفوت








والله مـا تصلـح حيـاتـي بلـيـاه
....................لو لحدوني جعلهـم فـي براهـوت








نويت أخاطـر وأنهبـه مـن نوايـاه
....................وازبن على زبن الدخيل بن شلهـوت








وإن مـت باسبابـه يجازيـه مـولاه
....................بس أفزعوا لي عنـد بيتـه بتابـوت

أحمد الناصر الشايع

ـــــــــــــــــــــــــــــــــــــــــــــــــــــــــــــــــ

ياونتي ونة طريح الفراشي
خصٍّ إلى منه عليه المرض جاش

فارق لذيذ النوم هو والمعاشي
جسمه نحل والعظم عنه اللحم ناش

أو ونة اللي جا مع الدرب ماشي
واشتد فيه من الزحاحيف نهاش

ساعة وطاه اقلب وجاه ارتهاشي
والسم سار ولو تطبب فلا عاش

على الذي قفّى ولا لي مهاشي
دونه شغاميمٍ يردون الانماش

اقفت ضعون الترف والسد فاشي
وضاق الفضا من ضيقةٍ داخل الجاش

من يوم راح الشوق بيّن خراشي
وصبيت صوتٍ يفرح الضد والواش

متى ترد اضعون خلي تحاشي
ومتى اشوف الترف في منزلي داش

ومتى نشوف امجوهرات القماشي
عذب الشفايا ريقها يدهش ادهاش

يشبه سنا خده بروق النواشي
والخشم سلة هندي بيد هواش

والردف طعسٍ لبّدتْه الرشاشي
يطوي ثيابه لا مشى طوية الشاش

ونهدٍ زما توه على الصدر ناشي
رمان في غصنٍ على جاريٍ ماش

والجرم لا ضخمٍ ولا هو نشاشي
امن البهى والملح ماعاد خلاش

( ترى اسمها صفرٍ وعبدٍ طواشي
واكمالة اسمه ياهل العرف منقاش )

قصيدة لابن دويرج

ـــــــــــــــــــــــــــــــــــــــــــــــــــ

لي صاحبٍ حنيت له في المشاشي
حنيت له حنـــــــــة معيدٍ هزيله

حنيت له حنة كبار الجواشي
للحوض يرزم دقها والجليله

حنيت له حنة من الذود حاشي
في البر ضاع وضيع الله دليله

حنيت له وامرحت عند الخراشي
بين الوجار وبين مربط فصيله

وعنيت له والدرب ماهوب ماشي
وكلٍ يناقل بالدراهم عميله

ياعنز ريمٍ ما حبل لك جراشي
والا السنيدي بالغبا ينطوي له

ياخل ياللي مايشيل الحشاشي
ولا نقل للعكرشيه صميله

انا بغسله والغضي بالمشاشي
واللي فرقنا جعل ربي يزيله

ان مت حطوني بحزم القماشي
كود النعش مضنون عيني يشيله

قصيدة للشاعر \ محمد العبدالعزيز السالم رحمه الله

ــــــــــــــــــــــــــــــــــــــــــــــــــــــــ

قال من هو بدا باعلى طويل
شايلٍ من على ما قيد شال

شد من حلتي غروٍ جميل
مادرى هو جنوبٍ أو شمال

صاحبي لا دقاق ولا جليل
كامل الزين والجرم العدال

شلت من همهم حملٍ ثقيل
ماتشيله شخانيب الجبال

نافلٍ جيلها في كل جيل
مثل فرق الجنيه امن الريـال

خذت من غربته يومٍ وليل
الله اكبر على باقي الليال



للشاعر \ عبدالرحمن بن محمد بن سليمان المقحم رحمه الله



ـــــــــــــــــــــــــــــــــــــــــــــــــــــــــــــــــــ

أهـليـن يـا سـمـح الـمـحـيـا وسـهـلـيـن
يـا راس مـال الـلـي يـبـيـكـ ورصـيـده

أشـتـاق لـكـ شـوق الـشـقـي لـلـمـلايـيـن
الـلـي حـيـاتـه كـلـهـا عـ الـحـديـدة

لا شـفـت وجـهـكـ قـلـت : لـلـهـم بـعـديـن
يـروح هـم الـقـلـب ويـعـود عـيـده

يـمـيـزكـ عـن بـاقـي الـنـاس ثـنـتـيـن
ثـنـتـيـن مـن غـيـر الـمـزايـا الـفـريـده

مـعـطـيـكـ رب الـصـايـمـيـن الـمـصـلـيـن
الـلـي جـعـلـنـا كـل أبـونـا عـبـيـده

عـطـاكـ عـيـن مـا خـلـق مـثـلـهـا عـيـن
والـخد بـ لـحـالـه يـبـي لـه قـصـيـدة

يـا عـاقـل مـا غـرتـكـ مـوضـه ألـفـيـن
ولا لـقـيـنـا صـورتـكـ فـي الـجـريـدة

وجـهـكـ اذا شفته تـذكـرت شـيـئـيـن
الـحـظ الأوفـر والـحـيـاة الـسـعـيـدة



للشاعر / عبدالله علوش

ـــــــــــــــــــــــــــــــــــــــــــــــــ

كنت احسب اني عرفت الحب قبل اعرفك******* وعـشقت قبل اعشقك واشتقت قبل التقيك
وكنت احسب اني لقيت احباب قبل اوصلك *******واثـري توهمت في غيرك وانا كنت ابيك
تـعال نـعطش وتـشربني وانـا اشربك******* تـعال قـبل الـوعد اجلس معي نحتريك
تـعال شـفني وانـا اسـتناك كم اشبهك *******يطري علي الف راي و راي واحتار فيك
اجـي مـكان الـوعد والا اسـبقه انطرك *******والا آخـذ الـموعد الـلي يحتريك واجيك
يـا آخـر الـحب ذقـت الحب في اولك******* ويـا اول الشوق اقصى الشوق ما ينتهيك
عـلمتني كـيف اعرفك لين صرت اجهلك *******ضـيعتني فـي مـتاهاتك وكنت ارتجيك
حـبـيب الاحـلام يـابعدك ويـامقربك *******حـرام يـكفي تـبعثرني وانـا احـتويك
ان شـفتك بـحلم صـدقته وانـا اتوهمك *******وان شـفتك بـعلم كـذبته الـين انتشيك
اخـاف اغمض عيوني وان رمشت افقدك******* واخـاف افـتح وتـصبح حلم ولا التقيك

للشاعر/طلال الرشيد

ـــــــــــــــــــــــــــــــــــــــــــــــــــــــــــــــــــــــــــــــــــــــ

ياللي غرامك جاريٍ في وريدي
لا .. وش غرامك جاريٍ في وريدي

استغفر الله لو بقول ان غرامك
ما باقي إلا يطبع اسمك على ايدي

لأنك بصدري و أنت منته بصدري
تطلع مع أنفاسي و ترجع يا سيدي

اليا طلعت أحس كني أشوفك
و آنقص أنفاسي ذكا .. يا ضديدي

أخاف لا تطلع و لا عاد ترجع
و اشفق على شوفتك و اقول زيدي

فهل علمت عن جنوني يا آنف
اني لمجنون النشاز المجيدي

لبيك يا سلكا حملت الفضائل
أوعز لصاحبك بتحرير قيدي

يعني بحكينا .. لبى و الله عروقك
متى تعيد في عيوني يا عيدي

ثقفني بوصلك مثل ما تثقف
شعار جيلي من ثقافة قصيدي

لو ضلع عيني حس موطى وصالك
لا طاح حيده و لا طاح حيدي

تخيل اني من كثر ما اتخيل
اتخيلك تدعي و احسب انك ميدي

يا خي ترى جننتني بالمفارق
جننتني و انا بعدني يا جيدي

لكن مع الله كل بلوى بخيره
أنا ذكاي من التجارب رصيدي

اذكرني اليا من سمعت بغرابه
اليا سرى فعروق مخك جديدي

و أنا بعد لا من ذكرتك يا غالي
باسجد لوجه الله و باقبل ايدي

سعد علوش

حبيبي نام ياعمري على صدري وصارحني

وفض الصمت باحساسك وخل الحب لي يجري

وفضفض لي بعد عمري وعاتبني وفهمني

أنا أطري على بالك كثر ما أنته علي تطري؟!

تعال أقرب من أحضاني ترى خدك مواعدني

يبي يلامس شغف روحي ويقطف بوحي من شعري

تعال أنثر هنا ليلك وخل ويلك يولعني

أنا أحبك وأبي قربك.. ترى مني قضى صبري

أنا نبضك زهر أرضك وأنت؟! ايه تملكني

بنحل خصرك ..جمر ثغرك وزود بلونك الخمري

تتوهني .. تغرقني.. ومن بردك تدثرني

وتبكي لي وتشكي لي وله قلبك ومن سحري

أبي دموعك مع أنفاسك بصدق الود تحرقني

وأبي عطرك مع سحرك وآهك بالحشا تسري

أبي همسك يبعثرني غلا ولمسك يلملمني
وأبي عيونك من عيوني تذوب من الولع كثري

وأبي عهدك مع وعدك وأبي كلك تسلمني

أبي أيدك تسافر بي وزهر قدك يلحفني

وأهيم بعالمك عاشق جنوني أنت .. وانت بي تدري

تشوف الجمر بعيوني؟! تشوف الشوق جنني؟!

أجل تدري مثل ما أدري بأنك حلمي يابدري

حبيبي قوم وصارحني عن احساسك وعلّمني

أنا أطري على بالك ؟! كثر ما أنته علي تطري؟!


ـــــــــــــــــــــــــــــــــــــــــــــــــــــــ

والله اني مفارق شعر الغزل
بس من شفتك وأنا ببحره غريق
كامل الأوصاف والحسن اكتمل
كملك ربي وخصك بالخليق
من كحل عينك عيوني تكتحل
وان تناظر بي يجي بعيني بريق
القمر وان شاهدك غاب وأفل
يستحي في محجر عيونك يويق
صورك ربي سبحانه وجل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل
وصرت أهوجس في قصيدي وأستريق
ليتني يازين في عمر الجهل
وليت ربي ماجعلني لك عشيق
قبل أعرفك كنت مو هاوي غزل
ومن عرفتك شب في قلبي حريق





===================


مساء الحب يا حب يعيش ودنيته طرياك
احس انك هنا ايامي ولو ما كنت تطريني
يفوح من الزهر عطره ويبقي القلب مع ذكراك
وهج ذكراك في قلبي بعد صدك يدفيني

=================


أحبك وأسألي عني القمر لا تعلمين كم قلبي لأجلك قد سهر

لا أحببت مثلك لا أنثى ولا ذكر سأظل أحبك وأجري نحوك في الممر

تخيلتكي جنبي دائما منذ الصغر وليتنا نجتمع ونلتقي في السفر

فهاك حبيبتي خدي وردة الزهر ولتبقى ذكرى على طول الدهر

سنلتقي يوما عند ضفة النهر وسيكون يوماً جمييييل قريبٌ للسحر

أحببتك وعشقتك بصدقٍ يا سمر ولا جدوى من حبي لكِ ولا مفر

فهل تقبليني حبيبك يا فنر؟ أم ترفضيني وترميني لقروش البحر؟

ــــــــــــــــــــــــــــــــــــــــــــــــــــــــــــــــــــــــــــــــــــ
قال عنترة:
فوددت تقبيل السيوف لأنها **** لمعت كبارق ثغرك المتبسم
وقال إيضا:
ولو لاها فتاه في الخيام مقيمة *** لما اخترت قرب الدار يوما على البعد ِ
مهفهفه والسحر في لحظاتها *** إذا كلـــمت ميتـــا يقـــوم من اللحـــــد ِ
أشارت إليها الشمس عند غروبها *** تقول إذا اسود الدجي فاطلعي بعد ِ
وقال لها البدر المنير ألا اسفري *** فإنك مثلي في الكمال وفي السعد ِ
فولت حياء ثم أرخت لثامها *** وقد نـــــثرت من خدهــا رطــــب الـــورد ِ
وقال المتنبي:
هام الفؤاد بأعرابية سكنت *** بيتاً من القلب لم تمـــدد لــه طنبـــا
مظلومة القد في تشبيهه غصناً *** مظلومة الريق في تشبيهه ضربا
بيضاء تطمع في ما تحت حلتها *** وعـز ذلك مطلـــوبا إذا طلبــــا
كأنها الشمس يعيي كف قابضه *** شعاعها ويراه الطرف مقتربا
وقال قيس بن الملوح:
ومفروشة الخدين ورداً مضرجا *** إذا جمشته العين عاد بنفسجا
شكوت إليها طول ليلي بعبرةٍ *** فأبدت لنا بالغنج دراً مفلجا
فقلت لها مني علي بقبلةٍ *** أداوي بها قلبي فقالت تغنجــا
بليت بردفٍ لست أستطيع حمله *** يجاذب أعضائي إذا ما ترجرجا
وقال ايضا:

شعر غزل فاحش في وصف جسد المرأة

ألا يا طبيب الجن ويحك داوني **** فإن طبيب الإنس أعياه دائيا
أتيت طبيب الإنس شيخاً مداوياً *** بمكة يعطي في الدواء الأمانيا
فقلت له ياعم حكمك فاحتكم *** إذا ما كشفت اليوم ياعم مابيــا
فخاض شراباً بارداً في زجاجةٍ *** وطرح فيه سلــوة وسقـــانيا
فقلت ومرضى الناس يسعون حوله *** أعوذ برب الناس منك مداويا
فقال شفاء الحب أن تلصق الحشا *** بأحشاء من تهوى إذا كنت خاليا
وقال جرير:
ان العيون التي في طرفها حوّر *** قتلننا ثم لم يحيين قتلانا
يصرعن ذا اللب حتى لا حراك به *** وهن اضعف خلق الله انسانا
وقال آخر:
أني أحبـك عندمـا تـبكيــنا *** وأحب وجهك غائما وحزيــــنـا
تلك الدموع الهاميات أحبها *** وأحب خلف سقوطها تشرينا
بعض النسـاء وجـوههن جميلة *** ويصرن أجمل عندما يبكينا

وقال الأعشى:
ودع هريرة إن الركب مرتحــل *** وهل تطيـــق وداعاًايهــا الرجـــل
غرأفرعأ مصقول عوارضها *** تمشي الهوينا كما يمشي الوجي الوحل
كأن مشيتها من بيت جارتها *** مــــــر السحــــابة لاريث ولاعجــــل
يكاد يصرعها لولا تشددها *** اذا تقــــوم الى جاراتهــا الكــــــسل
ونختم برائعة من روائع الشعر في المراه ليزيد بن معاوية حيث قال :
اراك طروبا والها كالمتيم *** تطوف باكناف السـحاب المخيم ِ
اصـابك سـهما او بليـت بنظره *** فـماهـذه الاسـجـيه مغــرم ِ
على شاطيء الوادي نظرت حمامه *** اطالت على حسرتي وتندم ِ
اشـير اليها با لـبنان كانـما *** اشير الى البيت العتيق المعـظم ِ
اغار عليها من ابيها وامها *** ومن خطوه المسواك اذادارفي الفم ِ
اغار على اعطافها من ثيابها *** اذا البسـتها فـوق جسـم منعمِ
واحسد اقداح تقبل ثغرها *** اذا اوضعتها موضع اللثم في الفم ِ
خذوا بدمي منها فاني قتيلها *** ولا مقصدي الا تجـود وتنعم ِ
ولاتقتلوها ان ظفرتم بقتها *** ولكن سلوها كيف حل لها دم ِ
وقولا لها يامنيه النفس انني *** قتيل الهوى والعشق لو كنت تعلم ِ
ولا تحسبوا اني قتلت بصارم *** ولكن رمتني من رباها باسهم ِ
لها حكم لقمان وصوره يوسف *** ونغمـه داود وعـفـــــــه مريمِ ِ
ولي حزن يعقوب ووحشه يونس *** وآلام ايوب وحســـــره آدم ِ
ولما تلاقينا وجدت بنانها *** مخضبه تحكي عصـاره عـــــندمِ
فقلت خضبت الكف بعدي وهكذا *** يكون جزاء المستهام المتيمِ
فقالت وابدت في الحشى حر الجوى *** مقاله من في القول لم يتبرم ِ
وعيشك ماهذا خضاب عرفته *** فلاتكن بالبهتان والزور متهم ِ
ولكنني لما رايتك راحلا **** وقد كنت كفي وزندي ومعصـم ِ
بكيت دما يوم النوى فمسحته *** بكفي فاحمرت بناني من دم ِ
ولو قبل مبكاها بكيت صبابه **** لكنت شـفيت النفس قبل التندم ِ
ولكن بكت قبلي فهيج لي البكاء **** بكاها فكان الفضل للمتقدم ِ
بكيت على من زين الحسن وجهها *** وليس لها مثل بعرب واعجم ِ
مدنـيه الالحاظ مكيه الحشى *** هلالـيه العـينين طائيـــه الـفــــم ِ
وممشوطه بالمسك قد فاح نشرها *** بثقر كأن الدر فيه منظـــم ِ
اشارت بطرف العين خيفه اهلها *** اشاره محزون ولم تتكـــلــم ِ
فايقنت ان الطرف قدقال مرحبا **** واهلا وسهلا بالحبيب المتيم

يا حبيبي فيك ظني ما يخيب


لو حصل من بيننا صد وجفا


شمس حبك في عيوني ما تغيب


وفي حنانك يا بعد عمري وفاء


فيك معنى الحب يا روحي يطيب


صادق شوقك وشوقي صفا


لو تروح بعيد من قلبي قريب


في غرامك هام قلبي واكتفاء


في غيابك مشتعل مثل اللهيب


ومن عرفتك شوق قلبي ما طفاء


صدق إني وافي يا أغلى حبيب


صادق ما فيه مثلي بالوفاء



كلما نسنس من الغربي هبوب حمل النسمة سلام


وان لمحت سهيل في عرض الجنوب .. عانق رموز الغرام


لك حبيب ما نسا .. كلمته دايم عسى


اطلب الله وارتجيه .. صبح يومي والمسا


كل زين اشهاده وانتم بعيد منوتي ليتك معي


وان سهرت الليل اهوجس بك واعيد هل لاجلك مدمعي


وانت هاجس خاطري .. وانت فرحة ناظري


يا قريب ويا بعيد .. فيك امس وحاضري


نشوتك تلعب مع قطر المطر .. وانتشى قطره معك


والسحاب يطاردك بين الشجر خالق الزين ابدعك


الندى في وجنتك .. صار عطر بلمستك


والهوى غنى طرب .. تستثيره بسمتك


كلما ضمت عيوني منك طيف يا بعد كل الطيوف


قلت ما مثلك على الدنيا وصيف لا حشا مالك وصوف


لا سحاب ولا مطر .. لا نسيم ولا زهر ..


لا طيور ولا زهر .. ولا مع باقي البشر ..



تعال اسكن عيوني والتحف رمشي ونم بالهون


وشف وينك وشف روحي ومن هو سـاكن فيها


هلابك ياعطش روحي هلابك ياولع مجنـــــــون


عيوني والغلا كله فرشته لاجل غاليهــــــــــــا


محلك وان طلبت اكثر عطيتك قلبي المفتـــــون


تمنى واطلب عيوني بكل اعجاب انا اهديهــــا


ملكني هاجس الحيره وغربه مالها مضمـــــــون


وانا شوق الغلا خذني افتش عن معانيهـــــــــا


طوتني سالفة عمري رمتني مادريت اشلـــــون


جميــــل ايامنا يمضي ولا نــــــارد موانيهــــــا


انا لي بالعنى رحله شقيه سرها مكنــــــــــون



مرني طيف الغرام وذكرياتك ،،،،يا مسا همس الوليع ويا صباحه


روّحت لي الف همسه من شفاتك ،،،،والرهين الروح من يطلق سراحه


زيّني وجه الليالي من صفاتك ،،،،واحرمي حلم القطيعه من نجاحه


وقّفي للشمس من اربع جهاتك ،،،،والشبه يعطيك حق الاستباحه


ارسلي فيّ الغلا من طيب ذاتك ،،،،واتركي طير الفرح يرقا جناحه


ابعديني عن مرامي فلسفاتك ،،،،واطلقي كل الاعنّه للصراحه


هاتي اجمل شي من قصة حياتك ،،،،وامنحيني شي من تلك المساحه


اثبتي للمهتوي قوّة ثباتك ،،،،واغرقي راع السماحه با السماحه


عانقي حشمة شموخك في عباتك ،،،،وزاحمي حشمة شموخي با البراحه


امنعي كيد العطا من معطياتك ،،،،وصافحي كف الوفا راحه براحه


يا حلا جدّك حلا ومجاملاتك ،،،،يا حلا كل الحلا بيدك وشاحه


مرني طيف الغرام وذكرياتك ،،،،يا مسا همس الوليع وياصباحه

زينة محيا.. رفيعة ذوق..حلوة لسان
عذروبها ياعذابي..بعد مشوارها
لولا الحياء أطلقت للشوق الدفين العنان
مير البلا حدني..عن غارها نارها
(ماجد الشاوي)

طرح مميز تسلم ع الذوق الراقي شعر مميز

روعة تسلم على الإختيار المميز

شعر مميز تسلم ع الاختيار الحلو