ابيات شعر حلوه وقويه جداً

ابيات شعر قويه منوعه ، ابيات شعر روعه ، ابيات شعر بالصميم ، ابيات شعر قصيره ومعبره ، ابيات شعر حلوه وقصيره ، ابيات شعر قويه عن عزة النفس ، كلمات شعر قويه معبره عن احساسك ، ابيات قويه عن عزة النفس ، ابيات شعر جميله وقصيره ، ابيات شعر عن فراق الاصدقاء


نخطي ونستغفر عن الذنب ونتوب
و نرجع على نفس الخطا مادرينا

يارب يامن رد يوسف ليعقوب
عفوك و غفرانك و حلمك علينا

ــــــــــــــــــــــــــ

حتى لو ان الضيق ماله مواثيق
ماتوقف الأيام بـ اسباب ضيقه

تضيق ثم تضيق وتضيق وتضيق
لكن فرجها عند ربي بـ دقيقه

ـــــــــــــــــــــــــ

اسجـد لربك واحضن الارض في ذل
لا ضاق صـدرك من همـوم المعاصي

واخضـع خضوع العبد يوم القدم زل
وانصى الذي ما خاب من جاه ناصي

ـــــــــــــــــــــــــ

لا ضاق صدرك من غرابيل دنياك
ناج العظيم مكون الكون ناجه

وإعرف ترى علم الفرج عند مولاك
بأمره تهون وتنقضي كل حاجــه

ـــــــــــــــــــــــــ

ما كـــل علـه فادهــا طـــب دكتور
كم مـــن عليلٍ وصـل خله عــلاجه

وما كل من شاور حكيمٍ خذا الشـور
بعض البشــر مـا يقنـع الا بمـزاجـه

ــــــــــــــــــــــــ

من صان حق الناس بالغيب صانوه
محفوظ لو هو كان غايب مقامه

ومـن هان خلق الله تعثر وهانوه
لـو كان شيخ ومن سلايل زعامه

ــــــــــــــــــــــــ

بعاملك مثل ما اشوفك تعاملني
والشي لا زاد عن حده قلب ضده
خل الغلا والتكبر عنك واسمعني
من طاح من محجر العينين ما ارده

ــــــــــــــــــــــــ

الميزه اللي فيك ماهيب فِ ' انساان
الله عطاك اسلوب ≈ ماهوب في حـيٌ

ااجيك متنكد .. و ضاايق و زعـلاان
وأروح مٌاا كني تضايقِت مٌن شيء..

ــــــــــــــــــــــــ

بعض العرب لا شاف نعمة حسدها
حاسد ويحسد فالسماء حايم الطير

وبعض العرب لاشاف نعمة حمدها
من طيب قلبه ، وده الناس في خير

ـــــــــــــــــــــــ

يالله دخيلك من عنا الوقـت لامال
ومن صدت الغالي وجاحد رفيقه

انا ادري ان الوقت قطّـاع الامال
لكن على الله ، تنجلي كل ضيقـة

ـــــــــــــــــــــــ

ماسلمنا من سكاكين القرايب
ولا سلمنا من اقاويل الصداقه

ابشع الصدات صدات الحبايب
واشنع الطعنات طعنات الرفاقه

ــــــــــــــــــــــ

احدن يقول ان ( الھوى ) فيه راحه
واحدن يقول ان المحبه ،، بلا طـب

وان كان تبغاها بـ صدق وصراحه
قليل منهو يفهم اصلاً وش ، الحـب

ـــــــــــــــــــــ

الصدور اللي وفاها ملاجي للرفيق
ضيقوها اللي على كل عوجا يقلطون

عزتي للقلب الابيض وللوجه الطليق
لاحداه الله على عالمن مايستحون..!

ـــــــــــــــــــــ

انا مع الطيّب الوافي على مايبيه
اطيب و اوفي معه من طيبه ومن وفاه

حتى الردي لاتردى ماترديت فيه
علي من طيب راسي ماعلي من رداه

ـــــــــــــــــــــ

لآ تشتري ميزآن وتوزن به النآس
الـنآس مآ يوزنهآ إلآ.الشـدآيـد

عند الشدآيد كل مخلوق ينقآس
وتـرجـح الڳـفـآت لاهـل العوآيد

ــــــــــــــــــــ

من صد عنا ما حسبنا له حساب
الرزق عند الله وهذا اختياره

إن جاء نحطه بين طيات الأهداب
وإن صد ما عشنا العمر بإنتظاره

ـــــــــــــــــــــ

عزتي للمفارق لستدارت لياله

خص لصار غالي فاقد شوف غالي

لنتصف ليله واستكن وطراله

هلت دموع عينه (اه) واوجد حالي

ـــــــــــــــــــــ

رفيق السفر كم عاد باقي على المسراح
يا طول الدقايق / يوم احسّب ثوانيها

متى تشرق الشمس ومتى خاطري يرتاح
على المدرج وطيّارها جاب ما فيه

ــــــــــــــــــــ

يادكتور لاتتعب على الفحص والتشـخيص
انا حالتي نـظـرة عيـوني تشخصها

لو أنك بأحاسيس القلوب النضاف بخيص
صـرفت الدوا لعـلاجها قبل تفحصها

ــــــــــــــــــــ

صمتك وقار .. و كثرة الحكي منقود
و رزقك على الله . و المراجل وهايب

لا تفرح بـ كلمة " نعم " و انت موجود
أحرص على قولة "نعم" و أنت غايب

ـــــــــــــــــــ

أن نشدني رفيقي..ويش في بالك
قلت لا ودت الدنيا .. ولا جابت

وأن نشدني عدوي وشهي أحوالك
قلت مثل الجبال الراسيه ثابت

ــــــــــــــــــــ

الشيخ و التاجر .. كبار الأسامي
باقوا ….. حلال الأرمله أم الايتام

لو إنها تقطع يدين …. الحرامي
شفت البشوت مفصله..مالها أكمام

ــــــــــــــــــــ

اليا سلمت الناس هذي سلامه
تحمد الله واشكره عشر مرات

ياليت كلاً قبل يبدى كلامه
يذكر كلامه وش حسابه ليامات

ــــــــــــــــــــ

العمر رحله والزمن به محطات
والـحـي منا كـل يـوم بـمـحـطـه

يستقبل الي رحلته دوبها جات
ويـودع الي وسط قـبـره يحطـه

ــــــــــــــــــــ

ان شفتني مبدع ومتقن وفنان
وأبيات شعري تعجبك قول لاهنت

وان كان راقت لك وتحتاج عنوان
عنوانها وابداعها ياغلاي انت

ــــــــــــــــــــ

عاداتنا تلزمنا نستقبل الضيف
ولا شك مافينا ضعيف يتراعش

داعش تهددنا وحنا لنا سيف
سيفن يقص ارقاب كل الدواعش

ــــــــــــــــــــ

اكتب على كيفك ترى الناس تقراك
وان كنت طيب طاب مثلك كلامك

خذ هالنصيحه وخلها دوم وياك
كل ما احترمت الناس زاد احترامك

ــــــــــــــــــــ

اعطيه من قلبي ولا قلت كافي
مهما طلبني الحب ما قلت بعدين

طبعي ب حبه مثل طبع السنافي
يكرم معازيبه ولو كان ب الدين

ــــــــــــــــــــ

لابد مانعطي ونعطي ونعطي
واثمن عطى بين المخاليق الاحساس

واللي يقول ان العطى ضعف مخطي
لولا العطى ماقالوا الناس للناس

ــــــــــــــــــــ

إن كسبتني كسبت لك صدوق
وإن خسرتني خســرت لك سنـد

آعجبك لآ صــارت الدنيا حقوق
صحيح آنا وآحــد لكن عن بلد

ــــــــــــــــــــ

كلن يشوف الناس بعيون طبعه
وآنا أشوف الناس بعيون طبعي

نسخت طبع الطيب مليون طبعه
وحسبت كل الناس بالطيب ربعي

ــــــــــــــــــــ

حلفت ما أدوّر ورا اللاش شبعه
لو إني أمسي فـ الخلا ميتٍ جوع

الذيب ..عمره ما تعشيّه .. ضبعه
عشاه ليلة يكفي الضبعة إسبوع

ــــــــــــــــــــ

تبغى تصير إنسان عايش براحه
لاتشغل التفكير فـ أوضاع غيرك

واصنع لنفسك في حياتك مساحه
وابعد عن العالم : وريح ضميرك

ــــــــــــــــــــ

سولف مع العالم مثل مايريدون
واترك لهم على الهوامش مساحه

اثنين في هذا الزمن مايعيشون
راع الضمير ومن يقول الصراحه

ـــــــــــــــــــــ

الذيب من صلبه يجيب الذيابــه
والا الثعالب مابعد جابت افهـود

ومن لاكسب كلمة (كفو) في شبابـه
ماعـاد يكسبها ليا منه غدى عوود

ــــــــــــــــــــــ

السنين معجزه والعرب متغيرين
والديار من الاجاويد قدهي خاليه

عزتي لـ اللي يدور سلوم الاولين
العرب جاها بلا فـ السنين التاليه

ـــــــــــــــــــــــ

يارب أنا عـبدك ولو كنت عاصيك
رحمتـك تسبقنـي على كل وادي

أستغفرك وأسجد لوجهك واناجيك
يا رب تغفــر لي ، خطاي وعنادي

ــــــــــــــــــــــ

على النقا نبقى ولو عاقنا عوق
و يبقى الوفا منّا وفينا وإلينا

و وجيهنا بيضا وهاماتنا فوق
وإن ضاقت الدنيا مٓ ضاقت علينا

ــــــــــــــــــــــ

الخطوه اللي ما تعزك بـ ممشاك
لا تهتويها ، واقصر الرِجّل : عنها

لا صار ، ما ترفع مقامك بـ دنياك
احـذر ، تجاملها و ترخص : ثمنها

ــــــــــــــــــــــ

لعنبوها حاجتن ترخصك وأنت محسوب
في عيون القوم ، و يطيح قدرك عندها

كبّها ، لو هي ثمينه وعرضها الهبوب
وأنسها لا رحم أبوها على أبو جدها

ــــــــــــــــــــــ

استاهل اصد عن حلمي و تحقيقه
وتستآهل اللي علي ذوق ولايق لك

معععاك ولا بدونك ضيقه ب ضيقه
ان ماتضايقت منك ، بتضايق لك

ـــــــــــــــــــــــ

دام المساء في حضوري شي ثاني
أنا حضرت و أسعد الله مساكم

يسعد مساء اللي يواصلني بذوقي
ويسعد مساء اللي منور مسائي

ـــــــــــــــــــــــ

في عيْنها .. تقّصر جميع القياسات
وفي رمْشها هدّ السيوف الشطيره

ومن حسُنها الفاخر تذوب الجمَادات
أنتي جمْال الكون وأحلى ...ـيره

ـــــــــــــــــــــــ

دايم الصدق تبقى لحظته فاصله
كل ما مرّ بي من ذكريااتي وجيْه

ودي أنساك ، لكن ماهي بـ حاصله
كل شيٍ يمْرّ البااال ، تطري عليه

ــــــــــــــــــــــ

عِش مثل ما جتك الحياه بقناعه
لا تبني آمالك على متن الاحلام

العمر :؟لـ الايام … مثل الوداعه
ما جاد فيه الحظ : تآخذْه الايام

ـــــــــــــــــــــــ

البحر عاطل ، و دخانه سحاب
وآتّخذ ' صدر الثرى ' ، طفايته

لازعل ينفث على الدرب السراب
وإن رضا ماعلّمك وش غايته

ـــــــــــــــــــــــ


الناس والدنيا منازل بلا ساس
ورحيلها وان طولت مقتفيها

هذي هي الدنيا وهذي هي الناس
خسران من علق هقاويه فيها

ـــــــــــــــــــــــ

خـلك رزين وعامل الناس بالطيب
وأليا غلطت بحق شخص تأسف

ترى التعذر للبشر ما هو بـ عيـب
كم واحدٍ كابــر و تالـي تحسف

ــــــــــــــــــــــ

ترى فعل ابوك يمجد ابوك بالتحديد
وكل البشر مثلك ، من آدم و من حوا

أبو زيد فارس غير محدٍ درا عن زيد !
و لا يذكر التاريخ عن زيد .. وش سَوّا

ـــــــــــــــــــــ

اتبع إحساسك وخلّه ينفعك
واتبع ظنونك وبعض الظن سوء

دام صدقي فالحكي ما يقنعك
كيف تجبرني على لزم الهدوء


ـــــــــــــــــــــ

شاري مزاجي ولا أدور على الزله
وآخذ كلام ، البشر على حسن نيه

لو كل كلمة بـ حسب حسابها والله
لـ عيش كل العمر بـ أزمات نفسية

ــــــــــــــــــــ

قدم شعور الطفل باللين وبزين الكلام
والكبير أخضع له النفس الشديدة لا تذم

وكلمتك لاقلتها يحسب لها ميه كلام
وان ركبك الحق تندم لو ماتغلي الندم

ـــــــــــــــــــــ

ضاعت علوم الرجال اللي تنومس من بغاه
وصبح الجاهل فهيم وصار يجهل من حكم

لأن الزمان اليوم حده من يغيرمبتغاه
لابغيت الشي تشري لو سمعتك تحت الهرم

ــــــــــــــــــــــ

ما بعد عسر الزمان أﻻ تياسيره
لو سود اﻻيام تفجعنا حقايقها

بنسوقها في رجا اللي مالنا غيره
خلاق اﻷنفس ، وكافلها ، ورازقها

ـــــــــــــــــــــ

لو تخسر الدنيا على شان رجال
دامه كفو لا تعتبرها ،، خساره

صداقة ٍ ماهي بتبنى بالأفعال
تطفى مثل جمر الورق والزقاره

ـــــــــــــــــــــ


حطيت وسط القلب جمله وقوسين
(ممنوع اي انسان ياخذ مكانه)

عشان لامن جابه الشوق بعدين
يفهم ترا المضمون كله عشانه

ابيات شعر مميزه وراقية تسلم على الاختيار الحلو