احلى بيت شعر غزلي

بيت شعر غزل ، احلى بيت شعر غزل ، قصيدة غزلية روعه ، احلى قصيده غزليه ، شعر قصيدة حب وفراق



لو حصل من بيننا صد وجفا
شمس حبك في عيوني ما تغيب


وفي حنانك يا بعد عمري وفاء
فيك معنى الحب يا روحي يطيب


صادق شوقك وشوقي صفا
لو تروح بعيد من قلبي قريب


في غرامك هام قلبي واكتفاء
في غيابك مشتعل مثل اللهيب


ومن عرفتك شوق قلبي ما طفاء
صدق إني وافي يا أغلى حبيب

خسارة

أنا من بعد هجرانج أبنوي أهجر إحساسي

أبطوي صفحةٍ في كتاب عمري ما قريتيها


أبخفي طرسي الشّاهد على ظلمج وكراسي

أبحرق كل أوراقه ويعْلج ما طفيتيها


كفا يا بنت من حبٍ حبسلي باقي أنفاسي

قسى وأقسى خفوقٍ، خفْقته إنتِ حيّيتيها


أببعد لو يلوموني في بعدج ربعي وناسي

أببعد خطوةٍ سهلة، وصعب إنّج فرضتيها


وبحسب باقي الأيام من عمري وهوجاسي

ترى موتي دنا، وإنتِ خسارة ما حسبتيها


خسارة إنّي كتبت الحبّ باسمج وإنحنى راسي

وأنا ما قد حنيت الرّأس إلّا للْمسويها


أحبّك من هنا لآخر محطّات الغلا لهناك

أحبّك كثر ما يهوى رضيع الصّدر غفواته


أحبّك يا بعد كل الحروف وعلّها تفداك

أحبّك يا بعد بيت القصيد وكلّ غاياته


أحبّك يا بعد عمرٍ قضى منّي على ذكراك

أحبك يا بعد من داج بالدّنيا بخطواته


أحبّك يا دفى برد السّنين إليّا غفت بحماك

أحبّك يا أمل عمر الوحيد ويا بعد ذاته


أحبّك يا بعد قلبٍ نزف كل الغلا لرضاك

أحبّك يا بعد كل العيون ونزف دمعاته


أحبّك كثر ما تبرى جروحٍ لامست يمناك

أحبّك كثر ما يلجا فقير الحال لسكآته


أحبّك بس لو تعرف وش اللّي بالحشا ينخاك

وربي لو كشفت اللّي بقلبي، مت لرضاته


أنا وشلون أبيّن لك غلاك ولهفتي للقاك

أنا وشلون أعبّر لك عن اللّي بين طيّاته


أنا لو قلت لك ببعد وأبرحل وأنتحي وأنساك

لساني وأعرفه لا زلّ يا شينه بزلّاته


تعال أرجوك شفني من رحلت وعبرتي تنعاك

تعال وظمّني يا حي ذا الطّاري وظماته


تعال وداوني، واللّي خلقني يالدواء بشفاك

يقولون الجمر طب المريض بحر كياته


تعال وخل عنك الصّد والهجران ما يزهاك

حلاتك توصل اللّي يم دارك زاد جياته


أنا واللّيالي وأبيات القصايد في أمل لقياك

أقول الشّعر واللّيل الحزين يعدّ نجمآته


نعزّي نفسنا ننطر تسابق لهفتك وخطاك
نقول ان الخطى تقصر ولا تسبق للهفاته

أماني عاشت بصدري أغاني داخلي تهواك

تموت ان غبت وإن ردّيت عاش اللّيل وأبياته


أنا مقدر على بعدك على صدك على فرقاك

يموت بغيبتك قلبٍ نزف لك حرّ حسراته


دخيل الصّبح في وجهك دخيل اللّيل لا غطّاك

دخيل الرّمش لا سيّر على خدك بسجاته


دخيل الجمر والسُّكردخيل البلسم الفتّاك

دخيل اللّي تثنّى لين عذبني برقصاته


أمانة ترحم اللّي شاف منّك صدتك وجفاك

دخيلك تدمح الزّلة وغلطاته وهفواته


أحبّك من هنا لآخر هنا لآخر هنا لهناك

أحبّك لعنبو حيّ الرّضيع وحلو غفواته




التّجارب

التّجارب حبيبي السّابقة

علّمتني وأنا منها أستفيد


كلّ دم بعروقي حارقة

مثل ما تحرق النّار الجريد


تو تصحى عيون غارقة

بحلم كاذب وتحقيقه بعيد


ما أشحذ الحبّ ولأنّي سارقة

مثل كلّ البشر أعشق وأريد


منّك قلبي همومك طارقة

يطرقه مثل طراق الحديد


أنت جرحي وعذابه عاشقة

لين سيلت دمي من الوريد


روح عني ودربي فارقة

يوم غدرك تبين لي أكيد


أنت غيم الصّيوف وبارقة

لو يرش الصحاري ما يفيد




يا سخيف الذّرعان

يا سخيف الذّرعان مأني بمرجوج

رجتني الدّنيا غدر وحيله


يا بنت لولا اللّي على تاسع الفوج

تركت نجد وعزوتي بالقبيله


لا شك حاديني على نجد هيدوج

مسقي الفيافي لين يدرج مسيله


تركي ليا من اللّيالي غدن عوج

حمله عتيبه كلها ما تشيله


برسي كما ميناء البواخر على الموج

ومن وين ماصك البحر يرتكي له


مادام تركي حيء ماودي ادوج

وإن غاب غبت مع الرّجوم الطّويلة




حبيبي نام يا عمري

حبيبي نام يا عمري على صدري وصارحني

وفضّ الصّمت باحساسك وخلّ الحبّ لي يجري


وفضفض لي بعد عمري وعاتبني وفهمني

أنا أطري على بالك كثر ما أنت عليّ تطري؟


تعال أقرب من أحضاني ترى خدّك مواعدني

يبي يلامس شغف روحي ويقطف بوحي من شعري


تعال أنثر هنا ليلك وخلّ ويلك يولّعني

أنا أحبّك وأبي قربك ترى منّي قضى صبري


أنا نبضك زهر أرضك وأنت؟ إيه تملّكني

بنحل خصرك..جمر ثغرك وزود بلونك الخمريّ


تتوهّني تغرّقني ومن بردك تدثّرني

وتبكي لي وتشكي لي وله قلبك ومن سحري


أبي دموعك مع أنفاسك بصدق الود تحرقني

وأبي عطرك مع سحرك وآهك بالحشا تسري


أبي همسك يبعثرني غلا ولمسك يلملمني

وأبي عيونك من عيوني تذوب من الولع كثري


وأبي عهدك مع وعدك وأبي كلك تسلمني

أبي أيدك تسافر بي وزهر قدك يلحفني


وأهيم بعالمك عاشق جنوني أنت وأنت بي تدري

تشوف الجمر بعيوني؟ تشوف الشوق جنني؟


أجل تدري مثل ما أدري بأنك حلمي يا بدري

حبيبي قوم وصارحني عن احساسك وعلّمني

أنا أطري على بالك؟ كثر وما أنت علي تطري؟




غزليّات

بعض العرب حبّه يوردك الجنون

ولا يوصف له غلاه حكاك له


ما يقنعه وصف الغلا لو وش يكون

لو كل حرف بالحرير إيحاك له


الموت جاك وهو تقلبه الظنون

ولا لك إلا الصّبر وش وداك له


إن قلت ضايق قال هونها تهون

ما يدري إن ضيقتك له وإبكاك له


تقعد تحبه وأنت ساكت ومغبون

يمكن بيوم يقاله موفاك له


وكأنّك مشكك هو يمون أو ما يمون

تخيّل إن عفت الصّبر فرقاك له


غلاه من فوق الغلا ماهو بدون

وحكاه سمعك يجبرك برخاك له


ودّك تحطّه فالعيون من العيون

وتبسط على رمض الثرى يمناك له


وتظلّه من الشّمس في ظلّ الجفون ولا يمر أُذنه سوى لباك له


وتسج من غير لو أنّهم يذكرون

ومنين ما سجت القدم ممشاك له


غروٍٍ يميله الترف ميل الغضون

غصنٍ ليان ومكرمه بسكاك له


وجديله إلا أقفى ستر منه المتون

كني بريحه لا اتلفت لدعاك له


كيك وعسل لكن ماهو في صحون

ودعاك من عين الحسود غطاك له


الله لا يعطيه ناسٍ ينضلون

ويستر عليه من النحل لا يآكله


الوصف والتعبير في وصفه يخون

غير إطلب الله يستجيب دعاك له


وعذال قلبك في محبته يهبون

سكينهم عن قطع حبله حاك له


ناس عن أعراض العرب ما يعرضون

ودايم على نفس الشكل والشاكله


اللي من لحوم الأوادم يآكلون

وحلوقهم دافع البلا متواكله


في سلمهم أولى بالأكل الاقربون

وأطيبهم اللي صيدته شكواك له


يدعيهم الشيطان للذنب ويجون

هذا يقطعله وهذاك يواكله


يا جعلهم فدوة ثرى الغض الفتون

اللي على الدرب الطويل خطاك له


طيفه إذا نام البشر زارك بهون

وطيفك إذا نام البشر سراك له


حبه دفان ومقبرة خضر الطعون

بين العظام العوج كنك ناكله


اللي كذا حبه ولو تموت مغبون

ولالك إلا الصبر وش وداك له




أنا وأحزاني

في كل ليلة يطرق الألم والحزن بابي

يصطحبني معه على عتبات اليأس

ويتسلل بين دمعي الراكد بجفوني

ويشتاق لأنيني وبكائي

وأنا أتلهف بيني وبين أوجاع صمتي

ولا يفارقني اإا كفن الأمل على نعش مهزوز

لا زلت أنا وأوجاعي على شواطىء الدموع

ألملم حكاياتي من خلف ظلال أحزاني

وتكسرني الوحدة من جديد

ما أقساك أيها الحزن

وما أقسى وجعي بك

هشّمت بيي كل المعاني الجميلة بداخلي

ولم تُبقي مني سوى بقايا أمالي

سأحمل أشلاء أنفاسي الهاربة

وأترك همي وأرحل بجناح مكسور




شوق وحنين

ياليل أقصر لم تعد بي حاجة

لسكون جفن أو هوى لجمام

ياليل مزقني الفراق كأنني

شِلْو ينوشه ضيغم الآجـــــام

وأنا هنا في وحدتي في غربتي

متمزّق بنــوازع الأوهـــام

ووسادتي مهجورة في غرفتي

نفسي فداؤك هل يطول مقامي

وأنا هنا في وحدتي في غربتي

قلبي هنـــاك معلـق بالشــــام




هل تموت المشاعر

هل تموت المشاعر مثل مـوت الــورود

مشكله كان ماتت عنـــد بعـض البشــر


داخـل الصدر صاير مثل صوت الرعود

قبل معرف جفـاهـا وحالتي في خـطــر


كيف وان خالفتني واخلـفـت بالوعود

بكـل تأكـيـد روحـي رايـحـة للـقـبـــر


كنت أحسب المحبة لا مشـيته اسهود

واكتشـفـنا حـلاهـا مــرّ مثـل الصبـر


اخنقتني العبرة وصارت البيض سود

وفي ضميري تجمـع كل هم وحضــر


يا الله إنّـي دخيـلك طـالبـك لا يــزود

هــم حالي سـببها كان حان السـفــر


ويا حبيبي تـرفــق لا تعـدّى الحدود

ما تحمـل فــراقــك بس هــذا القــدر


آه غــدر اللـيـالي صدق لا قيل سود

ولعت في ضميري حرّ مثل الجمـر


بس بصبـر وأقـول يمكن أن يعود

خلي اللي فقــدته أمس بعد العصـر




تكفيني النّظرة

لأني لقيتك في خفوقي ولأنك

نفس الغرام اللّي يراود ظنينك


تكفيني النّظرة إللّي جات منك

ويكفيني من العمر لمسة يدينك


ويكفي عيوني لا فقدتك يجنّك

ويكفي أشوف إحساس قلبي بعينك


ظنّك برحل لا قسى الوقت ظنك!!

أنسى شعوري والخلايق تدينك!!


والله مهما قالوا الناس عنك

ومهما قسى وقتي وشحت سنينك


تبقى محلك داخل الرّوح كنّك

نبضة خفوق أحيت زوايا سجينك

كتبت الشعر من قلبي وخطّيته على صفحات تنزف حبرها الدامي

كتبته والشعر من يوم ناديته. لفاني وحطّ معنى القاف قدّامي




وانا من خيرته طبت وتنقّيته وميٍّزت الحروف بلحن وانغامي

وجاذبته وخفّضته وعلّيته ورتّبته وخطّيته بالاقلامي




ولي ما يستوي بالشعر سوّيته وفي شعري تحقق كل الاحلامي

عطاني الله زمامه ثم تلّيته. وطاوعني ولا يرفض لي أحكامي




ألا يامن على العربان بدّيته وعن غيره تميّز ريم الاريام

فلا شفت الذي مثله ولا ريته كمَل والكامل الله رب الآنامي




ألا يامن فوادي الميّت أحييته. بطيب القلب مع أخلاق الاحشامي

وكل الحسن عن غيرك تولّيته. حرام اترك لهم لا اتصيبك آثامي




كتبت الخط لك صافي وعنّيته. جداكم يا سليل الناس الاكرامي

كتبته ومن دعاني الشوق لبّيته وانا من لي سواكم يسعف آلآمي




أنا لولاك باب الحب ما جيته ولا غامرت في بحره الذي طامي

ولا سجلت به نبضي وغنّيته على ألحان قلبي المولع الظامي




وذا العالم على شانك تحدّيته ولا همّتني احدوده والايامي

وهذ الشعر في حرفه وفي بيته. كتبته من معاني شخصك السامي




وكفّ الشعر لك بالحب مدّيته تفضّل ذوق طعم الحب واهيامي

لأنك صرت له الاسباب ناديته وهذا ردّ فعل القلب ما ايلامي.




اللي يقول الحب ولى زمانه------مايدري ان الناس مايستووني

صحيح بعض الناس خان الامانه-----لكن بعظهم مانوى انه يخوني




الحب بقلوب البشر له مكانه-----البعض صانه والبعض مايصوني

اللي يصونه يهتني في كيانه-----يلقى لطعمه الف شكل ولوني




يعيش فيه ويرتوي من حنانه-----ولا يظن بسيئات الظنوني

واللي ماصانه صار محبط وهانه-----يقول ولى قبل جيله يجوني




ماغير يسمع فيه ياليل ادانه-----يفكره روتين ولا فنوني

مايدري ان الحب عظيم شانه------ممزوج بارواح البشر والشجوني




الحب اكبر من مجرد ميانه-----ماهو كلام اعجاب شخص يموني

الحب يلوي القلب كالخيزرانه-----ويميله يم الحبيب الفتوني




غصبٍ عليك الحب يفلت عنانه------ماينتظر جوارحك يأذنوني

بس البشر فيهم جحود ولعانه-------ون صادفك مكروه جو يشمتوني


والحب ماله ذنب يقتل عشانه------بعض البشر للحب مايرحموني

اما البعض ..فالحب فيهم ديانه----واحبابهم بقلوبهم يسكنوني


هذا جوابي ..يامدور بيانه-----كل البشر للحبمايستووني

ياالظما ..ماوردتك عن قناعه
وانت مالك أمان .. ولاشريعه
مااكذب من السراب إلا اتّباعه
ولا اصعب من الفراق إلا ..القطيعه
مامضى مِنكْ ياصعب .. انتزاعه
من جروح ٍ تموت .. ولاتذيعه
بين رغبة حضورك .. وامتناعه
جيت اجامل "غيابك" في صنيعه
وشاعرك .. لا تناسى ..ياضياعه
كن طيفك - محرّم - مايطيعه

الشاعر خميس الأسلمي


مري شمال ان كان ودك تمرين ....
مري على قبري وشوفي محله ...
وان كان ودك فوق قبري تصلين ....
ليا سجدتي فلي الراس كله ...
اشم ريحه مثل ورد البساتين ...
وجسم كلاه الدود وصلك يبله ....
وعند الوداع اكتبي على القبر حرفين ....
مرحوم يا الي صاحبه ما حصل له



تعال لملمني من اقصاي لا هنت
واجمع شتاتي في اليدين العرايا
شف حالتي من جمرة الشوق ما نمت
ارقب صباحاتك تزف الهدايا
وتكشف اوراقك وتخرج عن الصمت
وتشوف حبي من جميع الزوايا


للمبدع عبدالله الطفيلي



صاحبي لادارت الايّام واضناك الفراق ...
واستباحك كل جرح وصار لك مثل الخوي...
اذكر اللي من فراقك ضاق صدره واستضاق ...
حالته تِشكى وصدره من همومه مرتوي ....
كنّه المسجون ظلم وحِط بيديه الوثاق ...
وصار مجرم في عيون الناس لوانّه سِوي ....
وانت يانبض الخفوق ومنهله عذب المذاق ....
لاتزوّد ضيقة اللي من زمانه منكوي ....


محمد القثامي



ياوجودي وجد عودٍ لاعيال ولاقرابه ...
ماقداه الا يون ويردف الونّه بونّه ....
لالقا فزعة رفيق ولادعاةٍ مستجابه ...
كل ماامساله بظنٍ خيبت الايام ظنّه ...


سلطان بن وسام


اربع تبحث بسدك كل خافي ....
تجتمع وتكمل نصاب المزكي ...
الرفيق السو والخل المجافي ...
والزمان الصلف والحظ المتكي ...



تدري وش اللي يصدم الرجال في بعض اخوياه ....
وجودهم في النايبات الملزمه مثل عدمه ...
وتدري وش اللي يقهر الرجال ويبين خفاه ...
الا بغى المحزم ولا عين ذخاير محزمه ...
من غير ربعٍ ينقلون الحمل جعل امحق حياه ...
امحق حياةٍ توجع الرجال غصب وتلزمه ...



لو كل غالي يجي دايم على ذكره ...
ماصرت اشوفك هناك ، وحبك هنيا ...
ياليتني لا بغيت اكره قدرت اكره ....
ماكان قلبي ليا جيت اكرهك عيا ...



معجزة الشعر"متعب التركي"



الا ياوجودي وجد من شاف مايكره ...
من اعز من يمشي على الارض في باله...
عطاه الحقوق مكمله وآمن مكره ...
وجحد ماعطاه وصد واقفا على ماله ...
وياتل قلبي تل حبل على مكره ...
قطعه المدا وانتل من فوق محاله ...
ويازوع قلبي زوعة الطير من وكره ...
صفق بالجناح وعارض الجول واشفاله ...
ويالجتي لجة ثلاث على بكره ...
عن انضارهن صدوا بها وقت لبهاله ..
على الصاحب اللي ماخذ من الغلا شكره ..
وعلى عرش قلبي بين الاضلاع منزاله ..
له الروح من بد المخاليق محتكره ..
لهم حب في قلبي وهو حبه لحاله ...
لياقلت ابي منك الوفاء قال لي بكره ...
وقفا الزمان وراح والحالة الحاله ...
عقول العرب في واقع الحب مدكره ...
وراعي الهوى كنه لياصد يوما له ...
هل الحب في دنيا المحبين في سكره ....
ولاينس جروح الهوى غير عقاله ...
عسى لايمي تخلف صروف الدهر فكره ...
تجمع عليه هموم وقته وهو داله ...


محمد بن عباد


للصبر حد .. ووحشتك مالها حدود
ياللي غلاك أصبح مع الوقت عاده
أشتاق لك مع سايق النفح والنود
وأوله عليك أكثر .. واحبك زياده




للشاعر / سعود المطيري


كثر ماجيت يمّك مهتوي وارتجيك
كثر ما لمت نفسي يوم تنشد رجاك
ياعسى اللي بلاني بالهوى يبتليك
يمكن تحس في قلبً .. يهمه رضاك




للشاعر / سعود المطيري




لاتعتذر منت بعلى الصد معذور
وش عاد لو كثرت علي المعاذير
تعبت أسايرها وهّديك وتثور
واسووق رجلي في سراب المشاوير
ياصاحبي .. ماني على الصبر مجبور
ولولاك تسوى .. مارقيت المحاذير
يوم الغلا .. جاله على القلب منثور
سقت الثمين ولاحسبت المخاسير





للشاعر / سعود المطيري




بيّض الله وجه الأيام سوتبي جميل
وأرحم الله مابقا منك يالقلب الندي
مانفعني جود يمناي في راس البخيل
ليتني قبل أفعل الطيب مقطوعه يدي
والله اني ماتحريت للوقفه حصيل
بدويً لانخيته من أقصاه يعدي



للشاعر / سعود المطيري


وش يذبح الرجل غير الخوف والحاجه ...
لا صار في موقفن محرج ومحتاجي ...
حتى زمانه عقد له طارف حجاجه ...
لو يعتدل يوم باق العام منعاجي ...
لاشب ناره هواه يطفي سراجه ...
وليا لقا درب مايفرح بمخراجي ...


"مضحي السميري"
الرجل
صدره قفل مفتاحه الهرج ..



ينبيك عن غامض سجاياه هرجه ..
مانيب " دواج الهوى " نافض الخرج ..
اللي بدربه للهوى قل خرجه ...
الوقت ياللي تحسبه../ مايل السرج ...
لابد مايطرحك لامال سرجه ...
وترى الهوان إنك تحوّل من البرج ...
والكايد إن الطيب ترقا لبرجه...


"عبدالعزيز السبيل"


نبقى على مر الليالي عزيزين ...
نهج ٍ عزيز وعزة النفس منا ...
ياسيرة ٍ للطيب نبقى وتبقين ...
من جدنا الاول ليآخر زمنا ...



"عبدالله الهديريس"


عزالله أن الطيب كايد ومفقود ...
ولاعاد يلقى له مع الناس شاري ...
أقفت مراكب كاسب الطيب والجود...
والبيت دافنته هبوب الذواري...


"رشيد منور"


حيٍ يورّيك المذلة وتغليه ...
أنا أشهد إنك ميت القلب عامي ...
من لا يوّدك لا توّده وترجيه ...
أرفع مقامك يا عزيز المقامي ...
محمد الأحمد السديري

يقودني شوقي عليك أنت بـ الذات
واصـــبر واقول الصـــبر معه الغنايم

الناس تشتاق لــ بعضها بعض الاوقات
إلا أنا شوقي عليـــك أنت دايـــــم

ــــــــــــــــــــــــــــــــــــــــــــــ

تصافحك عيني وانا كفي... أعمى
مالي جدا الا نـظرة الموق لـ إلموق

ياما شربتـك شوف من خوف لا اظمى
وياما الوله للوصل يبّببس بي عروق

ـــــــــــــــــــــــــــــــــــــــــــــــ

ٺعبٺ أسۈلف لڪ ۈآنآ مآ ٺڪلّمٺ
.أسڪـٺ أنآ ۈأٺـرڪ عيۈني ٺڪلّم


　لآٺفهم آحسآسي ۈلآ ٺفهم آلصمٺ
مـدري ۈش أسۈي علشآن ٺفــــهم

ـــــــــــــــــــــــــــــــــــــــــــــ

الليلْ يخفي .. من تفآصيلي الشمسْ
وأضيع أدور .. عن سنآ الفجر سآهر " .. !


البّردْ يآكلْ معطفيّ .. ويطمسه طمس .. !!
وآحآول أدفى من حنيني " .. وأكآبر .. !!

ـــــــــــــــــــــــــــــــــــــــــــــ

عليك من الغلا كثر القصيد وكثر ماونيت
تعال أقصى الضلوع تفزّلك والـــــــروح منثوره

ـــــــــــــــــــــــــــــــــــــــــــــــ

صبآح الشعر يآ نبض الحنين الممتلي بـ إحساس
صبآح الصدق فعيون القوافي لا نوَت رسمك


صبآح الدمع لا كفكف بعض حزنه بكثييير أنفاس
صبآح اليوووه لا صارت حدود السالفه أسمك


ـــــــــــــــــــــــــــــــــــــــــــــــــــــــــــــ

قلبي محل أزهار شوقي ملون
يبيع كل الورد لعيون غـــالي

إهداء من قلبي لقلبك مدون
عليه توقيعي بدال إتصــــــالي

ــــــــــــــــــــــــــــــــــــــــــــــــــــــــــ

لك حروفي قصيـد ولك قصيـدي شـعـــور
ولك شعــــوري خفـوق نبضـه الحَيّ إنتـي


ولك غلا في صَميم الروح حَاضر حضور
واشهـــد انــك بقلبي وْلا عـن العيـن غبتي


ـــــــــــــــــــــــــــــــــــــــــــــــــــــــ

طيفك حطب عيني..وعينـي مشبّـه
والشوق برد ٍ ما انقطع لو للحظـات

ومكانك الصدر ولـك القلـب شبّـه
بين الضلوع اللـي فردهـا التنهـات

ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات

ــــــــــــــــــــــــــــــــــــــــــــــــ

بعض البشر عالي مقامه ولو غاب ..
مثل النقوش اللي بقت في حجَرها

مرت عليها دهور وعصور واحقاب ..
عيت تروح اخلاص للي حفرها

وانا بقلبي نقش من سيد الاحباب ..
فجّر ينابيع الغلا واحتكـــــــــرها

ــــــــــــــــــــــــــــــــــــــــــــــ


أنت الدفا مقرون عندك ، بـ الانفاس
وانا معك .. دافي ، ومرتاح ، وبخـــــــير


وأنت الشعر .. لا صار مكتوب باحساس
وأنا معك .. شاعر وشعره معك غير ..


وانت الصباح .. اللي يقومونه الناس
وانا معك .. والناس تصبح على خير

ـــــــــــــــــــــــــــــــــــــــــــــــ

جعلني ماذوق حزنك وجعلك فالوجود
لاتعودني على البعد ويمـوت الولـه

الوصال الستر.. والبعد بيـاح السـدود
وكل يوم يمر من دون وصلك ماطوله

كل شي يهون غير التجاهل والصدود
ماقبله من غيرك شلون منـك اقبلـه

ـــــــــــــــــــــــــــــــــــــــــــــ

لـ أقفى من أغليه منّي فـ الله يحفظه
ماهو بـ دمي و لا مالي و لا عبدي



كتاب قطع الوصل ما قدر على رفضـه
لكن لي حق أقول :آحيييه يا تسبدي

ــــــــــــــــــــــــــــــــــــــــــــــ

كم رقم خزنته على شـــــــان ، لا دق
أطنشه .. واخلي الوضع ، صامت




والا انت غير الناس كانك تبا الحق
ثابت لو ان الناس ، طاحت وقامت

ـــــــــــــــــــــــــــــــــــــــــــــــ

اثر الغلا لا زاد عن حده انباع
مثل الدفا لا زاد يصبح حريقه




كم غيمة ٍ صوت لها ظامي القاع
تناسته لو هي... تمر بطريقه

ــــــــــــــــــــــــــــــــــــــــــــــــ

يامعدي المرقاب خله لمشتاق
حول وخل معذب القلب يرقا



ياليت ربي ماخلق وفراق
وإلا خلـق حبٍ على غيـر فرقا


ــــــــــــــــــــــــــــــــــــــــــــ

على ضفاف الصمت لاتقتل البوح
خلّـه يسولـف عـن غـلاك بصراحـة


صوتك نغم ينساب دافيء ومبحوح
يسـعـد مـسـاه ويسـعـد الله صـبـاحـه

ــــــــــــــــــــــــــــــــــــــــــــــــــــ

ياصبري الله لايهينك على جنب
وعطني معك رخصتك والاستماره


آتعبت ركاب المشاعر بلا ذنب
تشيلهم في كل سكّه و حاره

ـــــــــــــــــــــــــــــــــــــــــــــــــ

تبطي علي وأنا هنا واتحراك
وكبدي لواهيب الصبر تشويها


كانك مشكك فــ الغلا والوفا هاك
جوالي اقر القائمة كل ابيها


رقمك مع الصادرولا وارد سواك
والناس في اللي( لم يرد عليها)

ـــــــــــــــــــــــــــــــــــــــــــــــــ


ودي بشوفك كل مااصبحت وامسيت
ممســاك فـي قلبـي وصبحـك بعينـي

ان قلـت احط بداخـل العيـن لك بيـت
خـايـف يحـول الرمـش بينـك وبينـي

وان قلت احطـك داخـل القلب عييـت
صعبه علي اخفيك عن شـوف عيني

ــــــــــــــــــــــــــــــــــــــــــــــــــــ


الشوق لِك مَخلوق في قَلب وعيون
والحِب لِك مَزروع بين الحَنَايَا



يَعني انَا في حِبكـ إنسَان َمجنون
وحبكـ سَبب إحياء كُل الخَلايَا

ــــــــــــــــــــــــــــــــــــــــــــــ


في خيالي تشبه الصمت الخفي
معي وابحث عنك في كل اتجاه

بالجنوب وبالشمال وبالجدي
في سديم اللون ومروج المياه

في زوايا النفس والقلب الشقي
بالكلام وبالقصيد ومحتواه

ـــــــــــــــــــــــــــــــــــــــــــــــــ


قل للذي دندن خفـــوقه وغـــــــنى
لا يعلق احلامه على طيف شباك


حال الحياه ان أشرق الحب منا
حل الفراق فــ مغرب الشمس مناك

ـــــــــــــــــــــــــــــــــــــــــــــــــ

دبلت كبد..الشوق من كثر الاشواق
ياخي خلاص افهم .. فديت اعتذارك


ترى العمر.. يبقى للأحباب سرّاق
واخـاف يسـرقنـي وانـا بــ إنتظارك

ــــــــــــــــــــــــــــــــــــــــــــــــ

صباح الشعر يا نبض الحنين الممتلي بـ إحساس
صباح الصدق فعيــون القوافي لا نـــوَت رسـمك


صباح الدمع لا كفكف بعض حزنه بكثييير أنفاس
صباح اليوووه لا صارت حدود السالفه أسـمك

ــــــــــــــــــــــــــــــــــــــــــــــــ

ياللي عن عيـــــــــــون التلاقي بعيده
واقرب من انفاس الهوى صوب صدري


طال النوى والصبر خلص رصيده
ياصاحبي للوصـــــل ماعاد بدري

ـــــــــــــــــــــــــــــــــــــــــ

مدري عشقتك دون صوره ولا صوت
وش حال لو شفتك وصوتك سمعتـه

احلم بشوفك شوفتي لك ترى قـوت
والقلب عن غيـرك وشوفـي منعتـه

همسك على قلبي كما نكهة التـوت
فيني الغلا والشـوق بيـدك زرعتـه

ــــــــــــــــــــــــــــــــــــــــــــــ

انت بسريرك . . ولا ودك تحاكيني
وانا بسرير التعب مشتاق .. لعلومك



ثلاث ابر والمغــــــــذي في شراييني
نايم ولكنّ نومي مو مــــــــثل نومك

ـــــــــــــــــــــــــــــــــــــــــــــ

دلتك في مجلسك منها خذيت
في يمينـي حاضنـه فنــجالهـــا



دامك فبالي وانا فبالك طريت
المحبـه... عـادلـن ميزانـهــا

ــــــــــــــــــــــــــــــــــــــــــ

الشآرع اللي بِدأ في طلتـــــــــــك يوّمه
ما ألوم الأشجآر لَو هي تحسد أشجآره


وبيتكْ إذا كل صبح يضيّق ماألومه
يزعلْ إذا غبت عنه وتزعلْ الحــــآره

ـــــــــــــــــــــــــــــــــــــــــــ

خل الزعل ياخذ من النفس حقه
ماعاد باقي لـــ الخطايا معاذير

كنت اتحرى من مشاعرك رقه
وكنت آتحرى لـ الخطاء أي تبرير

إن كنت تبغى كل دقه بـ دقه
مسّ النوايا في ضميرك على خير

لكن جلباب الغلا لا تشـقه
ما دام جزنا في غرامك عن الغير

ـــــــــــــــــــــــــــــــــــــــــ

هَذآ صَبآحيْ ، يِسألكّ عِنْ صبآحِكّ
للحين تِدمعّ عينّك بـــ حـزة الصبّح



كانك علىَ خبّري تزآيْد جـــــرآحِكّ
آنا علىِ خبركّ : وَافِيّ معْ الجــــــرّح

ـــــــــــــــــــــــــــــــــــــــــــــ

صوتھـأ فيـه جــرأة ، ســألـم الـزيــر ..
بـس لآ شفتھـأ " . . يّـ ھي خجـولـه !

طفلـة ، گـل مأ قـألـت مـسـآء الخـيــر :
ذاب قـلـب المطــر ، و أعـلـن ھطـولـه ..

لو تحـب المسـآ . . صـأر المسـآ غـيـر ،
ولو تحـب النصـرّ جأبـوا بطـولــه ..

ــــــــــــــــــــــــــــــــــــــــــــــ

ياكثر ماأسجل حضوري بـ تعابير
واختار لك ابيات وابيات وابيات

وأشتاقلك فـ المنتدي حيل واغير
وأدوّرك وأذكر معك كل . مافات..!

ــــــــــــــــــــــــــــــــــــــــــــــ

أن غـــآآب صوتي عنـــ كـ ماغاب الأحســـاس
تـــذكـــر إنــــ كـ بالإحســـاسيــس يمي ...


لك موقعـــن ماهووو لغيــركـ من النــآآس
ولك وحشـــــه تجـــري بشريـــان دمي

ـــــــــــــــــــــــــــــــــــــــــــــــــــ

أراقبك من بعييدآحسّك بـ صدري
أسولف لـ صورتك عن : آخر أخباري


ما أبيك تدرين بـ غلاك و : ينكشف أمري
حلاته إني عشقتك وإنت مــــــــــو داري

هبت هبوب الهوى والهوى صلف... ونا هواوي والهوى نص دمي

روعة تسلم على الإختيار المميز

تسلم اشعار حلوة مميزة