شعر عن الصديق الخاين

الصداقة والاخوة كلمات ساحره تختفي خلفهاا الانياب الحادة والخناجر المسمومة
صداقة واخوة سنين تتبدد في ثواني معدودات.....يالها من صداقة ويا لها من أخوة
حلم.... مجرد حلم ولكن لم ينتهون الاصدقاء واذا حصل خيانة فهي من انسان
قليل اصل ولايحسب على الاصدقاء الاوفياء


النفس عافت مدعين الصداقه
ومسحت انا ماظيهم بأسود الخط

ماعاد فيني لصبر أي طاقه
يكفي وانا جفني من العام ماغط

من يتبع المقفي ويركض بساقه
مثل الاسير اللي حياته مربط

ياناكر المعروف وعهد الرفاقه
يومي معك دايم على الشيل والحط

عندي غدت ذكراك مر(ن)مذاقه
وقدرك بعيني اصبح اليوم منحط

منك انتهيت ودنيتي منك طاقه
وقطع المواصل هو لي الحل الاوسط

من قبل مرحل او تموت العلاقه
دوك وصية صاحب(ن) بك تورط

بحر المراجل مايبيله طفاقه
ومن لا يعرف العوم يوقف على الشط

الشاعر: صقر التميمي

ـــــــــــــــــــــــ

البارحة من ضيقة الصدر سهران
من سبت الهوجاس فالصدر ضيقه

فتحت لي بيبان واغفلت بيبان
بين أغراب البين وسمع نعيقه

المشكلة ماهيب صدن وهجران
المشكلة يومي عرفت الحقيقه

حقيقة اللي كان له قدرن وشان
اللي مواثيقه بصدري عميقه

ما كنت اصدق فيه من كاينن كان
شخصن اعزه دون كل الخليقه

ما قيل فيه اقول زورن وبهتان
كلفت نفسي فوق مالا تطيقه

لكن بعد ما شفت انا شوف الاعيان
هانت علي ذيك العهود الوثيقه

خلاص بعد اليوم في ناظري هان
لاصار ما يحفظ عهودي طريقه

يا شينها لا طاح من عينك إنسان
ياشين نكران الصديق لصديقه

ياشين لامن صرت واثق وغلطان
ياشين طعنات القلوب الرقيقه

من يامن الدنيا على طول الازمان
لا بد عسرات الليالي تعيقه

رحلتك في الدنيا مدينن وديان
لا حان دينك ممهلك لو دقيقه

هذا كلام التجربه خير برهان
من وافين ذاق الغدر من رفيقه

ماهو صحيح ان قال ماهوب ندمان
الا الندم ولع بقلبه حريقه

عن واقعن عاشه وعن خافين بان
أصبح سرابن منه مابل ريقه

حتى لو انه جامل الناس بلسان
اصبح مع الهوجاس كنه شقيقه

يمكن مع الايام يسلى بنسيان
مير البلاء نقض الجروح العتيقه

ـــــــــــــــــــ

لاتامن الدنيا ترى الوقت ميلات
ويخبرك باللي طول وقتك جهلته

يكفيك يا قلبي جروح وعلات
من اسود الوجه توهقت وعرفته

ماعادلي فا لنوم شفن ولذات
والشعر يصرخبي عقب ماكتمته

كنه بقلبي مثل موج المحيطات
يقول أبوصف واحدٍ ماوصفته

يقبل علي بوجه ويقفي بعشرات
ونا على طيب وجمايل حملته

ونا الذي اخرست من دونه اصوات
واللي تطاول له بسيفه كسرته

واللي يبلغني علوم وسفالات
صديت وجهي كني ما سمعته

واذب عنه في غيا به دفاعات
واللي حكالي عنه قمت وتركته

لكني خذلني ماجرى من سفاهات
اللي بعيني عنكم انا شهدته

لا يحسبني عنا يوم ابدي غفلات
وغضيت عنكم طرف وطرفن فتحته

ماطعت يوم ابوي انذني مرات
شيخ يهابه من بمجلسهم ذكرته

شيخ تهابه الناصب وهامات
قال ان تخاوي الردي صيتك وضيعته

قال الردي ياوليد ماله أ مانات
يقول خبثه في عيونه لمسته

ياكم لحقني منه عيب ٍ وزلات
هذا جزى مفروفي اللي بذلته

هذا جزى رافعك فوق الطويلات
هذا جزى ذكره وصوته رفعته

هذا جزى يوم استره من خمالات
هذا جزى اني على راسي وضعته

هذا جزى المعروف يابوالدناسات
أترك خبيث القلب وخبثك كشفته

وجهك سقط مايستره من مناعات
بان الغدر واليوم درسك فهمته

مابقى بير إلا لكم فيه نزلات
ولا نجر وإلا هيلك فيها طحنته

وما بقى قاع إلالكم فيه وطيات
ولاوادي إلا بسيلك غمر ته

يلعن ابو ذيك الرطل والشحيمات
علي مثيلك ياسود الوجه شفته

ولو كان عنك قد حكي بي شمات
والله لارودي الضما بدمك شربته

لا تعترض درب ليث وسط غابات
وهلاك روحك ويلك اليوم حبسته

مسكينه طيور عليها النوايات
صيادها ماصادها انا اللي صدته

الردي ساسه ردي والناس طينات
تعرف معادنهم لامنك فحصته

الردى يمشي معه مثل الخيلات
والطبع يعوق التطبع لو طبعته

قال المثل ياناس أقوال قديمات
ترى الحبل مايرتكز لوركزته

ارسل حروفي لكم فيها دلالات
وتجارب اللي كاس غدره شربته

اللي ردى اعماله يهز السموات
وينافق بفعله وقوله وصمته

اللي ردى غره مزحه وضحكات
وشي ينفعك حاليه وسمه شربته

اشرب فناجيل الحناظل مرارت
من ناصحك لو كان دمعك نثرته

واحذر اللي السهم ناصيه بالذات
ترى السهم صايبك لو ما ردعته

واختم قصيدي لكم واقفل ابيات
واذكر مثل يومي تهيضت قلته

لا تامن الد نيا ترى الوقت ميلات
ويخبرك باللي طول وقتك جهلته