شعر عن الخيانه قصير

‏قال يا فلان وش معنى الخيانه
عطني مثال لـ شي كاوي ضميرك

قلت الصديق اللي تضحي عشانه
ياخذ من ايامك ويهدي لـ غيرك"

ـــــــــــــــ

على كثر الجروح اللي في قلبي ما جرحتك يوم
وعلى كثر الحزن والهم لا ونيت زدتيني

ترى ما همني موتي ولا عيني نساها النوم
انا اللي همني جرح بموت وما برح فيني

ـــــــــــــــ

مادريت ان الخيانه صارة ارموزك هذيك
لين ذقت الغدر منك وابأمانه وبأمانه

كيف قلي شلون قلبي بعد هاذا يرتجيك
كيف عطني من حلولك قول من يرضى هوانه

كلمه واسمعها امانه لاتجيني ولا اجيك
دام كلك وعلى بعضك رمز وافي للخيانه

ـــــــــــــــ
تفارقنا و صرنا يا حبيبي بالزمان أغراب
وتاهت في دروب الشوق يا عمري خطاوينا

تفارقنا ولا ندري عن الفرقا وش الأسباب
ظروف الوقت ولا خانت أحكام القدر فينا

حبيبي يا بعد كل الحضور ويا بعد من غاب
ترا لو عاندت دنياي ما و الله تنسينا

أكيد إنا تفارقنا .. و لكن ما نزال أحباب
سكن فينا غلاك اللي على بعدك يواسينا

طلبت الموت والموت عيى لا يجيني
يمكن اذا مت حبيبي اليوم يبكيني

وافرح واقول حبيبي بكى لجل عيني
راضي ببكاه ولو السبب هي نهايتي

ـــــــــــــ


قلبي وفالك وانت قلبك خدعني
خدعت قلب كان بالحب شاريك

بكذب وخيانه وغدر قلبك حضني
في وقت قلبي فيه يسهر يداريك

ماكنت أظن قصدك بحبك تذلني
ذليتني من بعد مامت انا فيك

ببعد بعيد واوعدك ما احني
ابشر اببعد ومع حبيبك بخليك

وابي مماتي ياخذ الروح مني
تاركلك الدنيا بها الله يهنيك

واذا سأل في يوم انا انسان عني
قله توفى والسبب طعن بيديك

ـــــــــــــــــــ

لا انته ولا غيرك ولا حتى السنين السود
تخلي دمعتي تنزل على خدي واكفكفها

انا ادري منيتك انك تشوفني وانا مهدود
ولكن اغسل يدك محال ادموعي اذرفها

احبك كنت انا احبك وحبك كان بي موجود
ولكن عشرتك هالحين انا من قلب عايفها

عطيتك كل ما املك ولا فكرت بالمردود
وكلما تصدمني بجرح اقول احباب طوفها

تقول الخطاء وارد وانا اقول الصبر بحدود
ولا انت درس علمني عطايا القلب اطرفها

انا ماني هذاك اللي اذا ضاقت عليه يعود
انا يالضيقه تنسفني يا اما الضيقه انسفها

ــــــــــــــــــــ
ما ألومك كان قلبك ثارت أمواجه وخان
الخطا مني , لأني صرت في بحرك سفينه


والسؤال اللي كتمته وما نطق فيه اللسان
كيف إيدك إطعنتني وآنا أحسبها أمينه ..

جرحي ما يرضيه قلبك لو يجي كله حنان
لو تبوس الجرح فيني ولو تقبلها إيدينه


ــــــــــــــــ

نسى إسمى وبإسم غيرى نادانى
جرحنى جرح ما عمرى تألمته

وتأسف لى وتعذرلى وترجانى
قول غلطه وسكت عنه ما كلمته

شسامح فيك تنادينى باسم ثانى
حسافه بس غلاك بالروح سكنته

اليوم اسمى باكر بكبرى تنسانى
خلاص ارجوك لاتفتح باب سكرته

خلاص انا محيت اسمك من لسانى
وكل اسم على اسمك تجنبته

ما عاد حبك يهز شى فى وجدانى
ولا انت ذاك الطفل اللى دللته

انا ما اعرف اشيل هموم ولا اعانى
ولا اندم على انسان اذا عفته

ـــــــــــــــــ

عـسى العمـى ياخاين العهد يعميـك
فوق الغرور اللي عن الماضي أعماك

وعسـاك ما تسمـع قريب يناديـك
حيثك تجاهل صوت محـروم نـاداك

وعسى الشلل يعـوق رجـلٍ تمشيك
لـينك تنـدم ليـه غـيرت ممشـاك

وعسى حياتك بس فرحـة لشـانيك
يلقى بها الفـرصـة عدوك ويشناك

وعسى الليـالي اللي تجيني بطاريك
يصبح عليها الصبح ويموت طريـاك

وعسى المنـام وكل راحة تجافيـك
آمين حتى اللي تمنــاه يجفـــاك

وعساك ما تفـرح وتكثر بـلاويـك
وأمك تشـق الجيب من عظم بلـواك

ـــــــــــــــــــ

الخيانه راس مالك والغدر منك وفيك
وانتا ماتحمل بقلبك غير غدرك والخيانه

لاتقول اني هويتك واني احبك وابيك
كيف وانا الغدر منك ذقته لحد الاهانه

انت من يعشق عيونك مات وبهمه نسيك
لن غدرك والخيانه يقتل الحب وجنانه

بعتني والله حسيبك يوم قلبي مشتريك
بعتني وارخصة قلبي لين جرحة بكيانه

كنت واثق في غرامك كان قلبي مشتريك
كنت احسبك في حياتي حب ملكني حنانه

كانت عيوني تشوفك غير كل الناس ذيك
لين ملكتك حياتي وصرت لي سيد زمانه

مادريت ان الخيانه صارة ارموزك هذيك
لين ذقت الغدر منك وابأمانه وبأمانه

كيف قلي شلون قلبي بعد هاذا يرتجيك
كيف عطني من حلولك قول من يرضى هوانه

كلمه واسمعها امانه لاتجيني ولا اجيك
دام كلك وعلى بعضك رمز وافي للخيانه

ـــــــــــــــــــ

كم ھـو مـؤلـم آن تقــضـي وقتـك بالتفــكيـر فـي شخــص لا تــعلـم هــو يــفتــقدك آم لا ..

‏أحيانا أكون غامض أبتسم رغم همي أضحك رغم حزني لاأحد يعلم مآبدآخلي سوآ خآلقي