شعر رومانسى عن الحب

شعر رومانسي قصير عن الحب ، شعر رومنسي جدا ، اجمل شعر حب رومنسي ، شعر حب وشوق ، شعر رومانسي جدا للحبيب ، شعر حب للحبيب ، شعر رومانسي قوي ، اشعار حب قصيرة رومانسية


انت تدري وش أجمل منك في عيني
انت لاصرت مبسوط على شاني

تكرم البسمة اللي منك تكفيني
كيف أناديك عمري والعمر فاني

كل شي خلق بك لك يناديني
إنت غير الجميع ولك غلا ثاني

قلت أبذكرك وأثرك ساكن فيني
بين عيني وعيني ما تعداني

انت تبخل بك يساري عن يميني
آه يا ليت تدري منك وش جاني

ليه لا قلت أشوفك وإنت بتجيني
جاك قلبي يسابق خطوة لساني

من سلامك نبت في راحة يديني
ألف غصن يميل من الغلا حاني

قبل تسأل من اللي لك موديني
انت وديتني والشوق وداني

سعود بن عبدالله
ــــــــــــــــــ

الحب عظم صورتك في خيالي
ولا أنت ميت قلب ماعندك أحساس

توني عرفتك بالليالي التوالي
سود الليالي تكشف الناس للناس

الحب زين صورتك في خيالي
صورة جميلة عكسها فقد الاحساس

تكذب علي في قولك اني لحالي
واني غديت بداخلك مثل الانفاس

واتقول حبك فاق وصفي وخيالي
وغيري كثير الي سمعها من الناس

صحيح حبك غلطة في الي مضالي
جرحت قلب تعرفه حيل حساس

بعرفك سود الليالي التوالي
الي اكشفت مثلك من الناس اجناس

وان كان قصدك رجعتي ماطرالي
مثلك ترى قدره على الارض ينداس

علي القحطاني
ـــــــــــــــــــــ

بصفه , يوقف , وهو , قلبي
قلبي وهو قلبي يوقف بصفه

صد وزعل لا وحلالاه يارضاه
لا واهني اللي يعرفون شفه

مدري وش اللي مزعله لا عدمناه
حلف ولكن ماوفا لي بحلفه


أنا أشهد انه حد قلبي على أقصاه
ولف تمكن واسرف بحال ولفه


عنده خبر ماني بعايش بلياه
قلبي معه لا قال الفه الفه


حتى ولو يجفا أنا ماأقدر أجفاه
لا عب قلبي لعب لا عاد عرفه


والمشكل اني لا تعاندت وياه
قلبي وهو قلبي يوقف بصفه

خالد المريخي
ــــــــــــــــــــــ

تخوفني مشاوير الطريق المظلم المهجور
والي مني ذكرتك قلت طولي يامشاويري

عزاي انك رجاي العذب لو كل الدروب عثور
وصلت او ماوصلت اعرفك مانته منتظر غيري

حبيب وكل الله .. لاتحسب اني بليد شعور
لو انت المستحيل الصعب مابدي لك معاذيري

احبك رغم تجريح الليال .. لقلبي المقهور
اشوف الجرح يكبر .. وانت تكبر وسط تفكيري

احبك لو يموت الحب .. وتصير القلوب قبور
احبك كلمة .. لو حرموها حل تفكيري

احبك من هنا حتى طلوع الفجر حد النور
صحيح انك قدر محتوم بس اجمل مقاديري

بعذر اللي يحبك لو يصير الشاعر المشهور
لانك تنهمر حلو القصيدة في تعابيري

احد ربي يحطك له حبيب .. وما يجيه غرور
وانا مهما بغيت استوعبك ياقل تقديري

هلا بك من قدمك لغرتك .. لشعرك المنثور
هلا في كل شئ فيك وانت اغلى مساييري

اثر صدق الغلا يجبر حطام الخاطر المكسور
وانا مهما منحتك من غلاي .. اشعر بتقصيري

ولو طالت مشاوير الطريق المظلم المهجور
انا لامن ذكرتك قلت .. احبك يامشاويري

مساعد الرشيدي
ــــــــــــــــــــــ

عفا الله عن خطا غدر الخناجر والضلوع ابطال
باسامح واتركك تحت الظلام الحالك لحالك

دخيلك وفر دموعك ترى هدر الدموع اذلال
وترى مافيه احد يصبر مثل صبري بغربالك

انا عيب علي انقض كلامي والرجال iiافعال
واذا قلت اقطع حبالك تراني بقطع حبالك

عشان اكسب هدب عيني تجرعت العذاب iiاشكال
وليتك تراف بحالي علشان اراف بحالك

مسوي في حياتي شي مايذكر ولا ينقال
حتى العدو واهو العدو ما يعمل اعمالك

تمسيني على الهم وتصبحني على الغربال
تقلطني فناجيلك وتقصر عني دلالك

تحملت التعب لاجلك وانا حملي يهد iiجبال
رحلت من العذاب وما وقفت الا على جالك

علامك كلما اجيك متواضع جيتني تختال
معاك اليا متى باصبر وصبري معك يحلى لك

مثل ما اقبلت لعيونك لزوم تلدلي iiباقبال
ومثل ما قد حشمتك حس واحشم قلبي اشوالك

انا محد بجابرني اساير معك iiهالمنوال
ترى ماني تبيع لك ولاني اصغر عيالك

انا حبيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك

انا جيت اب ظمى عاشق تعب يطرد سراب اللال
انا جيت استفز رضاك من فرقاك والجا لك

انا ما همت بك عاقل انا كنت اعشقك iiبخبال
انا ما كنت احبك حي انا كنت اعشقك هالك

تخيل من كثر ما خفت تلقى للزعل مدخال
اخاف اخطي على طيفك وادوس برجلي ظلالك

تبعتك والعرب تتبع رعود البارق الهمال
وانا شفت المطر يتبعك في حلك وترحالك

كأن الي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك

ابي قلبك يحس انه فقد بمحبته رجال
ملكته من هدب عين وخسرت ارضاه باهمالك

صحيح ان الفراق اقسى ولكن الوصال محال
وانا صعب على ارضي غرورك واضعف قبالك

بعد ما حققت عيني فبعدك للرقاد امال
اعود للسهر ياخوي فال الله ولا فالك

ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك

بالمك وانثرك واجمعك وارجع انثرك باهمال
باخونك وازعلك وارضيك وازعل منك وارضى لك

ابرسم بالثرى وجهك وابدفن صورتك برمال
ابشكي للعرب فرقاك واضحك عند عذالك

ابهديك الوصال فراق واهديك الفراق وصال
باسوي مثل ما اشوفك تسوي وافعل افعالك

عشان تعرف من فينا الزعول ومن وسيع البال
ابيك تذوق فنجالي وانا باذوق iiفنجالك

نصيحه واحتفظ فيها قصر معك الزمن او طال
ابي تسمع كلامي زين وتحطه على بالك

اذا حبك هبال اطفال لك عندي هبال اطفال
ولا وابشر بعد بهبال حب ماهو بهبالك

واذا قصدك تهين اسمي عشان تشمت العذال
ترى لا انت ولا غيرك ولا عشره من اشكالك

حامد زيد
ــــــــــــــــــــ

بري حالي لانتهى العصر وأعلن الانسحاب
وخلت الشمس الصدارة ومالت للغروب

وأذن المغرب وساد الفضا مثل الضباب
وانتهى والليل لبس الأماكن لبس ثوب

وأردت همومي على قلبي الصلب الخراب
وأردت هيام الضوامي على عد جذوب

كلها هانت ولا هنت يا هم الغياب
من محبت صاحبك صرت ياهم محبوب

اخذ ليلك بأوله وكل واشرب في رحاب
قلب من شدة طهارته تجفاة الذنوب

ايه والدنيا مساكن ورحلة واغتراب
والغلا بالوقت هذا مميز بالعيوب

واشمل بجسمي واعدي على روس الهضاب
وكل ما ضيعت وجهي دريت انه جنوب

ويش اسوي فيك يا عن تلعات الرقاب
وانت واقع والتمعان في عيونك هروب

انت مجرم حب لا ويش جاب لويش جاب
انت عذب عذّب رجيلي بشوك الدروب

صرت اهاب من التزاحم وانا ما كنت اهاب
وامشي ب لو اني على المشي مغصوب

صرت اجمع من جروحك وكلماتك عتاب
وقبل اقول وشفيك تجرحني استغفر واتوب

صرت احسب الناس ما كنت احسبلها حساب
وصرت اكذب لأجل ترضى وانا ماني كذوب

شوف مهما صار بي انحنائي انتصاب
العب بعمري وبعثرة بيدك باللعوب

ادري ان الجاذبية تسبب الانسكاب
وادري اني منسكب وادري ان يديك كوب

سلت فأرضك وارتوت بي وفاضت بي عذاب
لين حبتني قلوب وتعادتلي قلوب

فأعرف ان زولي غدير وحكاياهم سراب
والمقادير الأيادي وشين الحظ طوب

يعني ليامن رموني حقيرين الجناب
صار زولي عشرة ازوال وعيوني قروب

اتعذب لأجل اداريك عن طيش الشباب
واتوحد لين يطغى على وجهي شحوب

ماني استاهل كذا منك ياوبل السحاب
لا تبللني وانا ودي انك ما شروب

بيتني وادخل بقلبي ياقلبي باب باب
واخطر عروقي برجليك يسمر دوب دوب

جل من ولع عروقي بقنينة تراب
نوب تضحك من عذابي وتبكي منه نوب

لو لي دعوة وحيدة وهي بتستجاب
قلت ياربي ليا مر خالفه الهبوب

زوي قلبي كلما ازويت خصرك بانسياب
وقف العالم يرد البحر من كل صوب

يا خلاصة شهد وعذوق ما لذ وطاب
يا مغلبي وانا ما بعد صرت مغلوب

يا مسفرني لوجهك ذهاب بلا اياب
يا معزز بالغلا يا مقدر يا محسوب

بيتني واذهب بي بعيد يامال الذهاب
ضمني بيديك بجمد على صدرك واروب

انت لو ضميت تمثال من ضمتك ذاب
كيف لو ضميت صدر على ذكرك يذوب

سعد علوش


حبيبي لا تعذر ما على صدق الحبيب جدال
رضت عنك العيون وهاك قلب فز بأعشابه

على وعدك تجيني يا حبيبي صاخب الميصال
عليك من اليدين وناسها هرجه وسبابه

هلابك وين ما يشرق نظرك الناعم القتال
هلابك وانثنى غصن الزمان وطار باسرابه

عذاريبك قليلة يا حبيبي كايد العذال
ولكنك بقلب من سكنته حارسك بابه

عيون(ن) شافتك عن قرب قرب يهمها تختال
على بعض العيون وكل طير يحب مرقابه

انا اللي سلمك قلبه دلو عشق وغلاك الجال
وتليته بحبل من جفاك وضاق بأسبابه

فداك اللي تبي هاك الجمل والحمل والجمال
جلب تلك السنين وكل سوق وطيب مجلابه

يا الطف من طيوفك في عيون(ن) للسهر مدهال
لجني خايفات وكل طيف احلى من ثيابه

احبك كثر ما ينسى زمانه مستريح البال
واحبك كثر ما قلب المسافر حن لترابه

شبيه الشمس لو مالك مثل شمس السنين ظلال
ترى كلن يموت الا قصيد(ن) يبكي احبابه

وانا ليلي قصايد او قصيدي ليل لا تحتال
هذا بعض الغلا باقصى خفوقي جاك باعشابه

نايف صقر
ـــــــــــــــــــــــ

شيٍ بدون احساس ما اقتنـع فيـه
اخطيت يوم انـي طلبتـك حنانـك

لاصرت فاقد شي وشلون تعطيـه
مهما نطق لي بالمشاعر لسانـك

جاملتني به وانت تجهـل معانيـه
مني نصيحه تنفعـك فـي زمانـك

الاشعـورك لاتبيعـه وتشـريـه
كانـك تقـدر قيمـه الحـب كانـك

واللـي يـودك لاتحـاول تعنيـه
حتى ولو عليـت بالقلـب شانـك

ابقى يتيم الحب جرحـي اجازيه
وانت خلك يالغضي في مكانك

سعد ال سعود (منادي)

ــــــــــــــــــــــ

تولعت بك والله كتب لي على فرقاك
حسبيي على الحظ الردي كانه اشقاني

انا ماشعرت اني مع الناس قبل القاك
ولاذقت للدنيا طعم قبل تلقاني

ولاكنت احس بروعه الحب قبل اهواك
ولولا عيونك ماكتبت اجمل الالحاني

سقا الله ليالي خالده عشتها وياك
بدرب الحويه بين عشب وغدراني

تذكرت يوم اقبلت كنك تحسب خطاك
تمايل بعود نايف الطول رياني

وترفع طرف ملبوسك الضيق بيمناك
وشلال شعرك تنشره فوق الامتاني

سعود بن بدر

ـــــــــــــــــــــــــــ

أعذلوني فيك عشاق النصيحة
ونشدوني عن طرفين الحكيا

أن شكيت الهوى قالوا فضيحة
ان سكت استنقظوا جرحي عليه

واعذابي كان لي نفس صحيحة
خيرت ما بين صدك والمنية

ان نويت البعد ضاقت كل فسيحة
وان بغيت القرب خان القرب فيه

كيف ابخفي الحب وجروحي صريحة
كيف احجب الشمس ياخلي بيديا

كيف أداوي علة الروح الجريحة
وين اودي دمعة دمعة العين الشقيه

من عذلني في الهوى الله يبيحة
ومن عذرني ماحصل مني خطيه

بدر بن عبدالمحسن

ــــــــــــــــــــــــــــ

الله أكــبر كـــيف يـــجرحن العيون
كيف ما يبرى صويب العين ابد

احسب ان الرمش لا سلهم حنون
اثـر رمش العين مــا ياوي لحد

يـــــوم روّح لــي نــظر عــينه بـهون
فــزّ لــه قــلبي وصفّق وارتعد

لــفّني مـــثل السحايب والمـــزون
في عيوني برق وبقلبي رعــد

نــقّض جــروحي وجــدّد بي طعون
قلت يكفي قالت عيونه بـــعد

وانــعطف هـاك الشعر فوق المتون
وانثنى عـــوده وقفى وابــتعد

اشـــغلتني نـــظرة الـــعين الـفتون
حـــيّرتــني بالـــتوعد والـوعـد

هي تــمون الـــعين ولاّ مــا تـــمون
لى خذت قلبي وقفّت يا سعد

خالد الفيصل

ـــــــــــــــــــــــــــ

الا واشيب عيني يوم قالوا لي فمان الله
وتحققت انهم من عقب لا ماهم مقفيني

تغايا لي خيال الموت يومه مد لي يمناه
ولد بعينه الخرسا عقب ماقفى يراعيني

نهت وقلت مماجال بالصندوق واعزاه
سراب اللال باكر يطرد مابينه وبيني

حلفت برب خلقه لو يطول البعد انا منساه
انا وشلون ابيع اللي من العربان شاريني

تصبر ياخفوق صار داه اليوم وسط ارداه
على رجوى ان رب العرش يدنيهم ويدنيني

مثل ماخذت قلبي المحبوب عطني اياه
على شان انتساوى في المحبة بالموازين

ايلا قارنت غيرك بك خجلت وقلت :وانقصاه
انا وشلون اقارن كامل الاوصاف بالشين

ولو هو في حلى يوسف كسف لي بنت نور اضياه
وختم القول ربٍ بك تبلاني يقويني
عبدالله الفيصل

تجر بشتك وسط لندن وانا اشـوف
كنك تمشى وسط سـوق المنامـه

ماتدري ان الدم واضح ومعـروف
عليـك مـن دم الخليـج العلامـه

من الحيا تلبـس عبايـه ونفنـوف
لـكـن ماكملـتـهـا باللـثـامـه

يالوف قلبي لوف لوفٍ على لـوف
لوف العقاب اليا انصـرم للحمامـه

جتني تهز الخصر والبطن ملهوف
صدر وقطـا وشايلتـه الزعامـه

ليا اقبلت يمك دخل قلبك الخـوف
صويبـهـا ماينقلـنـه عـظـامـه

واخذ الرصيف واعد بيمات وولوف
ماشي ومن مرك عطـاك ابتسامـه

ينطحك شقح بكار ومهار وخشوف
راع الغرام مجـددن لـه غرامـه

في ديرةٍ في قيضها نلبس الصوف
تنزل رذاذيذ المطـر فـي غمامـه

فيها المناكر وابشع الفسق مالـوف
ماكـن قافيهـا عـذاب وقيـامـه

الشاعر خلف بن هذال



وهنا بعض الشعر الرومنسي المميز

يا طر جيبي يوم تقفي وأنا أشوف
كبر الردوف .. ونحل خصر وليونه

كن ردفها من مشيها يرقص بـ خوف
حتى بـ إدهاش المُشـاهد حنـونه”

ــــــــــ

الردوف اللي عطاها الله تهول
متعبتها والخصر ما به خصر

جسمها يدخلك في جو الذهول
تفقد الاحساس من لمحة بصـر

ــــــــــ

يامرحبا يام العيون الساحره
ام الدلع ام الغزل ام الدلال

ام الغنج ام الردوف الفاخره
الكامله بالزين ولله الكمال

ــــــــــ

أن جت على رز النهود إنتهينا
وأن جت على هز الردوف إعتزلنا !

سلم ع خصرك .. وقله عصينا
وسلم ع ردفكك .. وقله عقلنا

ــــــــــ

لابسات النقاب مكحلات العيون
نابيات الردوف معسلات الشفايف

ضاع قلبي معاكم ليه ماترحمون
كل ماشفت لي خشف مع الدرب

ــــــــــ

اعشق دلالك والدلع والتغناج
ياام الردوف للي بهايشكي الثوب

مالوم كل عينن تشوفك تمناك
لانك فريده وبالحلا شيخه العوب

ـــــــــ

مزيونه وجمالها فوق الوصوف
ومن زينها تضحك على كل البنات

لاادبرت تطوي ملابسها الردوف
وان اقبلت يارب عفوك والثبات

ــــــــ

اللي ليا شفتها بـ الزين مبليه
وسيعه العين والنهدين رماني

لامن تثنت .وزمت نفسها شويه
يبين ثقل الردوف وخف الاوزاني

ـــــــــ

أم الردوف الملس خدرانة الصوت
اللي نهار البرد يدفى حشاها

إليا مشت تأطا على رتب وبشوت
وإليا إوقفت أشناب تأقف وراها

ــــــــ

دار الغرام ولف بالقلب لافوف
لاع الولع قلبي وروحي صرمها

انا وليع ومن عنا العين مشغوف
سيف الهوا بالحال يلحا لحمها

القلب رفرف وانغرف غر بصدوف
والروح فوح الجوح يلفح فحمها

جسر الغرام برامعي زل بزلوف
نزغ الزغازغ زلزلة عن قــــدمه

كاس الهوى بلباب الاسباب مذروف
من ذاق رشف شفاة يفرق طعمها

لولاالهوا ما رشرش الريم بخشوف
والناس نسناس الهوى هو نجمها

ماني بكف العذل عني بمعروف
لاتبحثة بلاة يقبس لغمها

اللة خلق بالناس ناس بها نوف
والشمس ماتخفا العرب مع عجمها

خشف عفر فارع ظفرعشر مكشوف
تل القلوب وسلها واستلمها

رعبوب راعب كاعب طرب غطروف
عمهوج داعج لاعج عاج فمها

تمشي تهز الخصر تنعاج بعطوف
مال الهوا بة مال عوذا كصمها

بعيونهارايات وايات وحروف
ترمي هل الغايات سم سهمها

ما دار دور نهدها نز بوقوف
نشو نشا ما نيش مشمش حرمها

كن البرد فاهة ورى الوردمصفوف
وخدود بة موجات جمر زحمها

واكثل ثميلة لة كثاثيل وزلوف
يلعب على هاظم ضميرة هظمها

عفرا برا طرز الطرا صدر وردوف
طرخم طخا طخم الطراخم طخمها

شربت شذا شذرالهوى كمع وكفوف
من طاح بكفاحة حرق من وحمها

ياناس خلوني احوفة واباشوف
لاموت فوت وناظري مافهمها

ياسلب قلب المبتلى فيك مكلوف
ارفق ترى روحي تقطع وذمها

امنع طريح طاح بيديك مكتوف
سلم العرب من سالمة في لزمها

قصيدة للشاعر/ عبدالله الاشقر
رحمة الله

وش غيرك والا انا اللي تغيرت
افا على ذيك القلوب العظيمه

متصور اشياء بس ما قد تصورت
انك تكون ف يوم ذكرى قديمه

ــــــــــــــــــــــــــــ

خبني عن زحمة العالم ابيك
وانت تغني خافقي عمن سواك

ايه ابيك شفيك بسم الله عليك
هالشعور اللي غزاني ماغزاك
لاسريتو علموا تكفون من فارق خليله
علموه ان المفارق كسرته يبطي جبرها

ماهقيت ان الهوى له حيله يجحد قتيله
لين شفته كفن الذكرى بيدينه ثم قبرها

ـــــــــــــــــــــــــــــ

غلطتي كنت انتظر منك اهتمام
وغلطتك بُعدي ثمنها وادفعه

لا تقول البعد والفرقا حرام ،
الحرام اعطيك عمر تضيّعه

خـــــذ راحتك ماغير أنا وانت والليــــــل
والليـــــل مأمونٍ على سر الأحبـــــاب


خل القلـــــوب اللي عطاشا مغالـــيل
تروي لهيـب الشوق يوم القمـــــر غاب


سود العيون اللي هدبهـــــا مظالــــــــيل
تجرح سكون الليـــــــــــل في همس الأهداب

الحـب مايحييـه غيـر المواصيـل
ولا بدونه تصبـح قلوبنـا أغـراب

أعلن خضوعــــي حيث ما عاد بي حيــــــل
في ما مضى منك الجفـــــا ماله حساب

( عناد المطيري )
ـــــــــــــــــــــــــــــــ

حظ الحمامة تلقط الحـب وتحـب
شفـة فتـاة ربهـا اللـي قبلهـا

بنت صغيرة تاخذ العقـل والقلـب
تلعب مع فـرخ الحمامـه وتلهـا

جاها الغريب وقال يا مطعم الحب
أطعم غيور غيرته مـا احتملهـا

واقفت لاهلها تلعن الطير وتسـب
ما ادري زعل ولا غضبها زعلهـا

هذا وأنا لانـي متيـم ولا صـب
لاشك روحي غردت مـن هبلهـا

والروح لا طربة ترى مالها طـب
غير القصيـد اللـي يـروح مللها

والقلب لا شاف التعاجيب يعجـب
والنفـس عيـت لا تخلـي زللها

والعين صدتها عن الزين تصعـب
وأنا ادري انه ياملا مـن جهلهـا

ياهل الجماله خبرو حلـوة النـب
اللي حمام الورق يهـوا غزلهـا

قولو لها ليه اهل الهوى مالهم رب
لا جاوروهـا تشتكيهـم لاهلهـا

خالد سعود الكبير

موضوع رائع وجميل