لا تشكو للناس جرحاً أنت صاحبه لا يؤلم الجرح إلا من به ألم

لا تشكو للناس

لا تشكو للناس جرحاً أنت صاحبه
لا يؤلم الجرح إلا من به ألم

نزار

رحّال .. رحّال ..
أنا مهرتي جرحي سفر عمري طويل
أعثر وأرد أنهض أضعف مستحيل
زمني يعاندني ويخطف ما أريد
حزني كسر ظهري قيدني بحديد
أوقع وأصيح الله .. الله وأبدأ من جديد
يا شاكي لا تشتكي الله كريم الله
الشكوى لغير الله مذلة
بصبرك وبسهرك ما يبقى نفس الحال
جرحك غطا وفراش
دور لعلتك دوى ما من دوى ببلاش
يا روحي أصعب سفر سفري الل بلا مال
من جرحه تصنع أمل
قدرك تظل رحال .. يا رب يعين البشر
مرات تحمل قهر ما تحمله الجبال
كريم
ـــــــــــــــــــــــــــــــــــــ

لا تشتكي للناس لو مهما تألمت
الناس ما تدري عن القلب وش فيه
حفظت درس من الزمان وتعلمت
محد يحس بالجرح غير راعيه
ــــــــــــــــــــــــــــــــــــ
وش غيرك والا انا اللي تغيرت
افا على ذيك القلوب العظيمه

متصور اشياء بس ما قد تصورت
انك تكون ف يوم ذكرى قديمه

ــــــــــــــــــــــــــــ

خبني عن زحمة العالم ابيك
وانت تغني خافقي عمن سواك

ايه ابيك شفيك بسم الله عليك
هالشعور اللي غزاني ماغزاك

ـــــــــــــــــــــــــــــ

لاسريتو علموا تكفون من فارق خليله
علموه ان المفارق كسرته يبطي جبرها

ماهقيت ان الهوى له حيله يجحد قتيله
لين شفته كفن الذكرى بيدينه ثم قبرها

ـــــــــــــــــــــــــــــ

غلطتي كنت انتظر منك اهتمام
وغلطتك بُعدي ثمنها وادفعه

لا تقول البعد والفرقا حرام ،
الحرام اعطيك عمر تضيّعه

خـــــذ راحتك ماغير أنا وانت والليــــــل
والليـــــل مأمونٍ على سر الأحبـــــاب


خل القلـــــوب اللي عطاشا مغالـــيل
تروي لهيـب الشوق يوم القمـــــر غاب


سود العيون اللي هدبهـــــا مظالــــــــيل
تجرح سكون الليـــــــــــل في همس الأهداب

الحـب مايحييـه غيـر المواصيـل
ولا بدونه تصبـح قلوبنـا أغـراب

أعلن خضوعــــي حيث ما عاد بي حيــــــل
في ما مضى منك الجفـــــا ماله حساب

( عناد المطيري )
ـــــــــــــــــــــــــــــــ

حظ الحمامة تلقط الحـب وتحـب
شفـة فتـاة ربهـا اللـي قبلهـا

بنت صغيرة تاخذ العقـل والقلـب
تلعب مع فـرخ الحمامـه وتلهـا

جاها الغريب وقال يا مطعم الحب
أطعم غيور غيرته مـا احتملهـا

واقفت لاهلها تلعن الطير وتسـب
ما ادري زعل ولا غضبها زعلهـا

هذا وأنا لانـي متيـم ولا صـب
لاشك روحي غردت مـن هبلهـا

والروح لا طربة ترى مالها طـب
غير القصيـد اللـي يـروح مللها

والقلب لا شاف التعاجيب يعجـب
والنفـس عيـت لا تخلـي زللها

والعين صدتها عن الزين تصعـب
وأنا ادري انه ياملا مـن جهلهـا

ياهل الجماله خبرو حلـوة النـب
اللي حمام الورق يهـوا غزلهـا

قولو لها ليه اهل الهوى مالهم رب
لا جاوروهـا تشتكيهـم لاهلهـا

خالد سعود الكبير
ـــــــــــــــــــ

انت تدري وش أجمل منك في عيني
انت لاصرت مبسوط على شاني

تكرم البسمة اللي منك تكفيني
كيف أناديك عمري والعمر فاني

كل شي خلق بك لك يناديني
إنت غير الجميع ولك غلا ثاني

قلت أبذكرك وأثرك ساكن فيني
بين عيني وعيني ما تعداني

انت تبخل بك يساري عن يميني
آه يا ليت تدري منك وش جاني

ليه لا قلت أشوفك وإنت بتجيني
جاك قلبي يسابق خطوة لساني

من سلامك نبت في راحة يديني
ألف غصن يميل من الغلا حاني

قبل تسأل من اللي لك موديني
انت وديتني والشوق وداني

سعود بن عبدالله
ــــــــــــــــــ

الحب عظم صورتك في خيالي
ولا أنت ميت قلب ماعندك أحساس

توني عرفتك بالليالي التوالي
سود الليالي تكشف الناس للناس

الحب زين صورتك في خيالي
صورة جميلة عكسها فقد الاحساس

تكذب علي في قولك اني لحالي
واني غديت بداخلك مثل الانفاس

واتقول حبك فاق وصفي وخيالي
وغيري كثير الي سمعها من الناس

صحيح حبك غلطة في الي مضالي
جرحت قلب تعرفه حيل حساس

بعرفك سود الليالي التوالي
الي اكشفت مثلك من الناس اجناس

وان كان قصدك رجعتي ماطرالي
مثلك ترى قدره على الارض ينداس

علي القحطاني
ـــــــــــــــــــــ

بصفه , يوقف , وهو , قلبي
قلبي وهو قلبي يوقف بصفه

صد وزعل لا وحلالاه يارضاه
لا واهني اللي يعرفون شفه

مدري وش اللي مزعله لا عدمناه
حلف ولكن ماوفا لي بحلفه


أنا أشهد انه حد قلبي على أقصاه
ولف تمكن واسرف بحال ولفه

عنده خبر ماني بعايش بلياه
قلبي معه لا قال الفه الفه


حتى ولو يجفا أنا ماأقدر أجفاه
لا عب قلبي لعب لا عاد عرفه


والمشكل اني لا تعاندت وياه
قلبي وهو قلبي يوقف بصفه

خالد المريخي
ــــــــــــــــــــــ

كلام مميز تسلم ع الاختيار الرائع

شعر مميز خطير مشكور