شعر عن التكبر وشوفة النفس

الغرور  ورزّة النفـس ماهـو راس مـال
التواضـع يرفـع الشخـص ويـزوّد نقـاه

والتغطرس سيمـةٍ مـا تسمووهـا الرجـال
والكبر وإن صار بالشخص ينقـص مستـواه

والتضيعف والتذلـل تـراه اردى الخصـال
وعـزّة الرجـال للرجـل شريـان الحيـاه

والكمـال لخـالـق الـكـون لله الكـمـال
بس درب الطيب فرضٍ مثل فرض الصـلاه

والحيـاه شهـور وسنيـن واخـرهـا زوال
ومن خسر دينه خسـر كـل شـي بمنتهـاه

والحيـاه اعمـال وافعـال يتبعهـا انتـقـال
للحيـاه الـلـي بهاالمهلـكـه والا النـجـاه

هكـذا الدنيـا قصيـره نـزولٍ وارتـحـال
ومن فعل فعـل ليـا قابـل المولـى لقـاه

والضعيف يضيع حقـه ولـو مابـه جـدال
والردي ما يكسـب النعـم لـو يرفـع يـداه

والبخيل احقر من البخل لـو جالـه مجـال
لوكثـر مالـه خسـاره ماهـو ويـا الغنـاه

ومن فتر عزمه عن الطايلـه حيـده هيـال
ما يسرّ اللي مـن الوقـت واعوانـه نصـاه

والرجل يحرص على الطيب حرص بكل حال
والرجل وليا خضـع للـردى حتمـاً وطـاه

ذي تجارب والتجارب على الموقـف مثـال
ومن خذا العبره مع الوقـت يبشـر بالنجـاه

ــــــــــــــــــ

يالله يالـلـى تسـتـر الطـيـر بالـريـش
يللى علـى فضلـك تعيـش المواشـى

يـارب عبـدن فـى ضميـره نواهـيـش
تلعـب بقلبـى لـعـب صــف النـواشـى

انـــا اليـامـنـى نـويــت الـمـطـاريـش
يـخـف نـومـى ويتـضـايـق فـراشــى

كـنـه يــدق صـبـى عيـنـى منـاقـيـش
النور طافـى واحسـب النـور واشـى

وليـا طرالـى راعـى الكبـر والطيـش
كنه خشيـرن لـى معـى فـى معاشـى

يانافخـن صـدرك تكبّـر عـلـى ويــش
والله وماقالـت تـرى الــلاش لاشــى

الكـبـر منـهـاج الخـبـول الـدراويــش
مـكـبـريـن ظـهــورهــم بـالـخـيـاشـى

يالله لاتجعـل طريقـى علـى الهيـش
هـرع الـكـلام المستحـيـل الهتـاشـى

رجّال فى طردن وراء لقمـة العيـش
وفى غيرها لـدّ النظـر وانـت ماشـى

والثانـى اللـى مركـزن للحشاحـيـش
تلـقـى مسـايـيـره هـجــاد وغـبـاشـى

عـنـده مـداويــر الـرذيـلـه مهـايـيـش
عـودن علـى ضـوّه يحـوم الفـراشـى

قليل دين وعقله اصخف من الريش
وجهـه صفـاه وبشرتـه جلـد حاشـى

عـسـاه فــدوه للرعـيـال المداغـيـش
الطـيـبـيـن الصـامـلـيـن الـهـشـاشــى

الصاملـيـن الصادقـيـن الهشاهـيـش
زبـن الدخيـل مصـدريـن العطـاشـى

الله مـــن قـلــب تـنـوشـه مـنـاويـش
تومي به اومايـت غصـون الهواشـى

لاوالله الا صـــار فـالـجـو تـشـويـش
يـبـاع فـيـه الـــدم الاشـقــر بـلاشــى

يابـايـع الــدم الحـمـر بالغـلـط لـيـش
اهـدرت دمـك بيـن مرّشـى وراشــى

مــدرى ظــلام وفـرصـة للخفافـيـش
والا ســراج ونــور والـقـدر طـاشــى

السالـفـه مـاهـى هـجـاد ومغـابـيـش
يبغالـهـا مجـلـس ارجــال ونـقـاشـى

امـا زعلنـا مـن زعـل قـايـد الجـيـش
والا قدحـنـا الـنـار والـعــود واشـــى

مظاهـرات الغـرب حمـر الطرابـيـش
ماهـى لنـا ياهـل السـفـر والتمـاشـى

هدم البناء عيب وغلط يا شواكيش
ماعاد نبغـى منـى مطركـم رشاشـى

الشاعر: مصلح بن عياد الحارثي

ـــــــــــــــــــ

يا راعي الغر العذاب المباهيش
رش الكبود اليابسة عن عطشها

دنق علي و طمن الراس بشويش
واحي العروق الذابله وانتعشها

حبك ينهش ثومة القلب تنهيش
نهش الحنيش لعرش رجل نهشها

واهل الهوى في سجن غيك دراويش
وقلوبهم وجلانه من دهشها

من ذاق من جمر السوالف بخاشيش
يبطي وروحه معتقلها بلشها

لا تستمع في هل الحكا والوشاويش
ناس انقيلي النمايم دبشها

يا خشف ريم ذار واوحي شوابيش
بدوا طلوع الشمس ذاره وغشها

والعين عين اللي جسر عقب توحيش
امير بيتي الحرار ووحشها

طرح الشبك ما قلبوه الطواريش
ولا قرنسوه اهل العشش في اعششها

وحش وجاي من بعيد المناطيش
عوق الخريش اللي طياره خرشها

لا قام يأخذ من طرف ريشها ريش
واليا قضا لعبة عليها لكشها

عبدالله بن عون
ــــــــــــــــــ

لي صاحب(ن)من اول اذا قمت اناديه
الشوق من بين المحاني يشبه

اتقول لي لبيه لبيه لبيه
وانا اتفدابه مع كل لبه

واليوم شكله ظايق(ن) ماعرف اشفيه
من الوصل ريح المفارق تهبه

لو كان ظاق بسبه اجيه وارضيه
المشكله ظايق ومن دون سبه

ياهيه ياهيه يامغرور ياهيه
هذا ترا ماهو نظام الاحبه

لو قالو العذال وش انت تبغيه
ابيه رمز(ن)للوفا والمحبه

ابيغه دام كل ما مر طاريه
اغيض به عذالي الي تسبه

سولف معي لكن من دون تشبيه
بيني وبينك شبه لا تشبه

انت تقول انا اخر انسان تغليه
وانا اقول انت اول انسان احبه

ـــــــــــــــــــــ

يا متكبر علينا عطنى وجه
فك عنك الصد والصدود

يا متكبر علينا الصداقة طوال
والايام مداها اقصار

يا متكبر علينا حنى ما نسينا
وانت علينا تناسيتنا

يا متكبر علينا سلم علينا
ونرد لك مليون جواب

يا متكبر علينا حن علينا
وحنا بنلقاك ونرد الحنان

يا متكبر علينا تراها دنيا
والدنيا مالها غير الطيبين

خلك كريم ولا تزيد الصدود
خلك عاطي ومداتك وفى

لا تجفى علينا وتتكبر علينا
وترى الكبر لله الكريم

وترى بعض الجفى قسى
وترى بعض الكرم اطباع

لا تجافينا ولا تكابر علينا
مصيري ومصيرك تحت التراب

لا تعالي وتقول من قدي
كلام ماهوب معقول يا الكبير

اسمع شوري وتراه نصيحه
اترك عنك كل الخصال الذمام

تراجع وشف نفسك وعاتبها
ترا نفسك تتامر فيك يا عظيم

ولا تتكبر وتتجافى علينا
خلنا احباب يا زين الاحباب القراب

وياهم باليوم ووياهم بالزمان
احبابك وصال بالعطا والوفى


ويا متكبر علينا عطنى وجه
فك عنك الصد والصدود

ــــــــــــــــــ

نسى الطين

نسي الطين ساعة ً أنه طين
                     حقير فصال تيها وعربد

وكسا الخز جسمه فتباهى
               وحوى المال كيسه فتمرد

يا أخي لاتمل بوجهك عني
                ما أنا فحمة ولا أنت فرقد

أنت لاتأكل النضار إذا جعت ولا
                    تشرب الرمان المنضد

أنت في البردة الموشاة مثلي
 في كسائي الرديم تشقى وتسعد

أيها المزدهي إذا مسك السقم
                      ألا تشتكي ألا تتنهد

فلك واحد يظل كلينا
           حار طرفي به وطرفك أرمد

أنت مثلي من الثرى وإليه
        فلماذا ياصاحبي التيه والصد

ألك القصر؟ دونه الحرس الشاكي
             ومن حوله الجدار المشيد

ألك النهر ؟ إنه للنسيم الرطيب
                   درب وللعصافير مورد

وهو للشهب تستحم به
          في الصيف ليلا كأنها تتبرد

ألك الحقل ؟ هذه النحل تجني
            الشهد .. من زهره ولا تتردد

لو ملكت الحقول في الأرض طرا
     لم تكن من فراشة الحقل أسعد

أجميل ٌ؟؟...ما أنت أبهى من الوردة
             ذات الشذى ولا أنت أجود

أم عزيزٌ ؟ ...وللبعوضة في خديك
                 قوت وفي يديك المهند

أم قوي ؟اذا مر النوم اذا يغشاك
                والليل عن جفونك يرتد

وامنع الشيب ان يلم بفوديك
         وامر تلبث النضارة في الخد

أيها الطيب لست أنقى وأسما
           من التراب تدوس أو تتوسد

لايكن للخصام قلبك مأوى
          إن قلبي للحب مازال مقصد

أنا أولى بالحب منك وأحرى
            من كساء يبلى ومال ينفد

إيليا أبو ماضي

ـــــــــــــــــــــــ


روح أحمد اللة وبس عأللي إنت فيه يافلان
تـــــــرآني من نبع طـــــــيب ساطــع نــــضـــارة

عطاك الكريم ما عطاك روح أشكر الرحمن
خلك من الكـــــــبرياء أخـــــرة الدنيا خســــــارة

أمًا أنا وش عليك منًي أنا وأناالكحـــــيلان
اللي أســـــــست بين المـــراجل قصر وإمــــــارة

قابلني مأنت قابلني يآه ياهي ياهو ياإنسان
شفــــــني أنا كاسب محبة النـــاس بكل حــــــارة

ماهو كدة مـــــــثلك أمشي وري الخسران
الفــــوز حظـــي ودروبي ماتعــــرف الخــــسارة

علمتني الدنيا أشياء ماعألبال ولا الحسبان
أحترم من يحترمني وف الاحترام واصل الجدارة

ــــــــــــــ

قصيدة أنا

أنا الذي ما ابدي على الناس سرّي
                 من خوف سودان الوجيه تحكيبه

أصبر على ظيم الدهر و التعرّي
                من شان من يرضى عليّ الغليبة

و ابعد مجالي عن عيال التزرّي
                   من لا هوى قلبي دواه المغيبة

وأخاف لي من مجلسٍ ما يذرّي
                 في جانبه بومٍ حساسه صليبه

و سوالفٍ مابين بحث و تحرّي
                    يجرح فؤادي عيّه و ابتلي به

يرضيني المقسوم خيري و شري
                سبحان من لا تعلم الناس غيبه

أحدٍ على ربعه يحب التحري
                      للشر بلاس و خيره بجيبه

هذاك يالربع انا منه متبرّي
           لو عضّني ناب الدهر ما انتخي به

من خوف يضحك لي و هو يستغرّي
                 يفتل حبال السّوْ ما يندري به

يفرح عليّ بكل شيٍّ يمرّي
            و ان شاف يمّي خير عنّي نهيبه